Silozi

Kubonahala kuba nisepo kwabalimi babafumaneha mutulo wanaha, ili kanako yacwale bakauhezwi kwanaha kaufela hala litekiso zanama, haiba manzwi akampani yaMeatco inge atalelezwa.

Katengo kakabona zakukutisa mutelo (NamRA), nekanyatezi kutamiwa kwabaana bababeli, walilimo zemashumi aketalizoho kasilisiñwi, niwalilimo zemashumi amalalu kazetalu, kakubata kuleka mubeleki waNamRA kweta.

Muyemeli wasilalanda sa Keetmanshoop yaMatakanyani, nakile atamiwa hala mulatu wakunata, kamaikuto akubata kuholofaza kwa Aroab. 

Likolo zelishumi zene ketilwe mwasikiliti sa Zambezi, nelifumani neulo yalisebeliso zamasheleñi alikana N$400 000, kuzwelela katengo kaNilaleg mwamusha wakona wakucala likota. 

Mubusi Hage Geingob naize naha Namibia ika zwelapili kutusa ni kusebeleza hala Afirika mokuna ni buiketeo bwa banana. 

Tokwahalo yamezi akenile itisize sabo yalikomano mwahala lifolofolo zanaheñi ni sicaba mwalikiliti zaKavango ni Zambezi, sihulu likwena ni likubu hañata litaseza bayahi baminzi mwalinuka zepeli zebuba nako kaufela. 

Lingambolo zandu yamilao ni scicaba hala kukonkiseza mulao olumelela kusula milao neli ezahezi mwa Rundu ni Katima Mulilo viki yefelile. 

Baipapati bababata misebezi babafitelela likiti zeketalizo, neba kamuhezi kwaofesi yebona zamipendo ni pukelezo yalimunanu mwa Katima Mulilo Labune, kasepo yakufumana kwamisebezi yemashumi amane kayelobapeli (48), yene hatisizwe kiofesi.

Muuna walilimo zemashumi aketalizho kasilisiñwi (51) nangile lieto la libima zefitelela sikiti kuzwa tolopo ya Gobabis mwasikiliti sa Omahele, kuliba Katima Mulilo mwasikiliti sa Zambezi, kuyo kunupa nyazi yahae nikuzwelapili kuikunupa yena muñi. Piho yasipokola ibulela kuli Fidelus Herold Auchaba nailo fita mwa Katima Mulilo Labubeli kakasasa kanako ya 05h00. 

Naha haitalimana ni lindinda leliñwi la butuku bwa Covid-19, baituti ba 129 nebaswalezwi butuku bwa Covid-19 viki yefelile, mi nombolo yeo itezwi kupahama.