Mapokola mwasikiliti sa Khomas nebatamile muuna walilimo zemashumi amane kazelobañwi, kalikakalezo zakukunupa nikubulaya mufumahali wahae kasamulaho akuomana. Kezahalo nebile teñi Lamubulo kanako ya 16h07, fandu 1978 mwalikululu la Omuvapu mwakomponi ya Ombili.
Muuso ukalile mungendenge wakuzibisa batu balipisinisi bunde bwatumelelano yakufundota mahala mwa Afilika (AfCFTA).
Katengo kakhuta yalifasi (ICC), kahanile kupo yakatengo kaCaprivi Concerned Group (CCG), yakuli kabatisise mafu amandui babane, ane apetilwe kimasole banaha Botswana kamaikuto akuli neli mafu asituhu.
Limembala liketalizoho zewela mwakatengo ka Kavango Zambezi Transfrontier Conservation Area (KAZA FCA), lihatelezi kuli lika zwelapili kubabalela limbule ili kuli masika akwapili ato lifumana.
Muyahi watolopo ya Windoko Owen Mahoto, yanyazwa kakuputelela likwambuyu Frans Kapofi, uhanile likakalezo zakuli ukona kufufela kwanda naha kasamulaho mapokola bapalelwa kumufumana.
Likolo la Tuto ni Sizo kakuba leli taleleza mapurojekiti akutahisa tuto sakata, neli fumani tuso yamasheleñi alikana lulelule (N$1 billion) kuzwelela kwaPanka ya Zwelopili ya Afilika. Sikoloti seo sisindeketilwe kineulo yamubuso yelikana bolule bamyanda yemine.
Katengo kakayemela Malonda mwanaha Namibia kafumba kuli limembala zateñi lika caula kweli ye. Kabulela kuli kukaitinga kana kampani ya Eagle Night Watch Security, ipalelwa kualabela kwalitaelo zasebeliso maswe.
Mubusisi wasikiliti sa Zambezi Lawrence Sampofu, uakaleza kuli baeteleli mwanaha Zambia batata kubeleka nibona, hakutaha kwakutusa bahabo mwanaha Namibia kutama masholi, babasweli kungundunganya ni kutokwisa balimi buloko.
Mubakweli likwambu wazwelopili yalibaka zalitolopo ni matakanyani Nathalia /Goagoses, naswabisisizwe kikubasiyo kwabaeteleli basikiliti sa Zambezi, kwamukopano wakuikambota Labulalu mwa Katima Mulilo.
Likwambuyu waTuto Anna Ngipondoka natambekile simubuso muyahi, sibaka sakuyahela maino abanabasikolo ba Schumannsburg, kwa Luhonono mwasilalanda sa Kabbe ya Mbowela mwasikiliti sa Zambezi.