Silozi

Mueteleli waKhuta YaMashi, mulena Joseph Tembwe Mayuni ukupile mubuso kutalima taba yamilulwani yalikhuta zasizo mwasikiliti sa Zambezi. Nabulezi zeo kanako yakutabela mukiti wasizo waTulikonge kwamuleneñi wahae waChoi, Lasunda viki yefelile. 

Sikolo sesibona zalituto zabuikezezo sa Zambezi (ZVTC) nesifile mishukwe kwabaituti bamyanda yemilalu kabababeli viki yefelile. 

Undiwanyangela neba kamuhezi kwa Chinchimani Lasunda viki yefelile, kuyo tabela mukiti waLusata oeziwanga kiMulena waMafwe George Simasiku Mamili VII. 

Likolo la mañusa lihanile kukutiseza famusebezi ni kulifa yomuñwi wababeleki bababona zamañusa nikumulifa masheleñi alikana lule, kasamulaho muzamaisi mwaofesi yebona zakubeleka nafumani kuli kuzwisiwa musebezi kwahae nekusiyo hande. 

Sikiliti sa Zambezi nesi amuhezi simubuso yomuhulu wasipokola mwasikiliti Andreas Shilelo, Labune viki yefelile.

Lubasi lwabamashumi aketalizo ka alimuñwi ili bamushobo wamaSan babafumaneha kwamunzi waKyarasen mabapa ni Wayawaya, mwasilalanda sa Kasheshe, nebafumani neulo yalikomu ni lisebeliso za njimo.

Kampani ya zabumalonda ikwenuhezi kwa Khuta Yepahami kuli ihapeleze likolo la njimo kulukulula masheleñi alikana bolule babane ni licika (N$4.5 million), kamusebezi one ifile kwa simu ya mupunga ya Kalimbeza mwasikiliti sa Zambezi.

Mapokola mwasikiliti sa Kavango ya Wiko mwasilalo sa Mukwe bakatazeha kutama sifosi, kasamulaho akubitelelwa kwamusali ya takana la 5 Muimunene 2022, kanako yene sika zizwa kwamunzi waBiro.

Katengo katolopo ya Katima Mulilo kabulela kuli kuwisiwa kwamandu liviki zepeli zefelile, nekutile bakeñisa kuzwelapili kuhana kwabayahi bane bayahile isi kumulao kufiwa maino kusili. 

Katengo kaZambezi for Women’s Rights Programme (ZWR) mwatasa katengo ka Women’s Leadership Centre, nekabile ni mukopano mwa Katima Mulilo kuambola kamo baeteleli basicaba bakona kubeleka hamoho kubukeleza liswanelo zalikalibe ni basali mwasikiliti sa Zambezi.