Auleria Wakudumo 

Chula Chula otaka ninga omweenda waJulinho Athetics FC oshoyo oRundu Chiefs moudano wokatanga kokeemadi momafiku 30 fiyo 31 Januali 2026. 

Eshi oshili oshikando shotete neudo Chula Chula taka ya mokapale okutwikila olixa oyo yali yaya manga mefudo molwa omatango manene. 

Eengudu detanga daRundu, oJulinho Athletics FC oshoyo oRundu Chiefs odo tadi ka tambulako Chula Chula momafiku 30 fiyo 31 Januali. 

Oudano ou otau ka danenwa mokapale komaudano modoolopa yaRundu. 

Omudeuli wospana yaChula Chula John Sikerete okwa holola kutya ongudu otai ka kala vena oshivike shokuxwaxwameka omanga inava ka dana etanga koRundu. 

Exwaxwameko eli otali ka kala ko oule woshivike okudja nena fiyo omOsoondaxa. Eshi otashi ningwa opo ongudu i mone ovayambididi vawana eshi tai ka dana koRundu oshoyo okutuwa omukumo mekufombinga. 

Ovayambididi vaChula Chula otava indilwa va djale oumbidja vospana ndele tava kufa omafano, tava imbi ile tava tangumuna ongudu nokuweda mo Chula Chula mouvidio ile momafano avo. 

Sikerete okwa indila ovayambididi opo va kufe ombinga mexwaxwameko eli opo Chula Chula a dule okuangatapo oitwa aishe ihamano koRundu. 

-awakudumo@nepc.com.na