Chelva Wells
Ndango zodorpa zaRehoboth ngesi kavagusirepo makongondi mukuli gokusika ko N$26 nomiliyuna aga gakara asi kwagagwana kupitira merandeso eli vana kutumbura asi alienation scheme mambo gokusika ko 609 momusunda ogu vana kutumbura asi Block E. ruha oru arupongayike mukuli yiwo vana kugava mbudi zangesi zokuhamenako ezi vana kumona asi kwaretesapo matangayi nomalirango vantu varundurure mavango aga pomadina gawo.
Muhuyungilipo ndango zaRehoboth Desire Pieters kageve nonkango dangesi mosiruwo sokugava nombudi pevango eli vatulisapo omu epangero lina kugava mauzera kovantu moutano una puko. Age katente asi udigu ou woyimaliwa kuna kumu mambo gomanzi makura yiyo nye yina kureta malirango kovantu owo vana kara asi vana hara kurundurura mambo ogo pomadina gawo.
Ngesi ndango zina tokora asi yiwo nye navafuta yimaliwa oyo yakarapo yokurundurura evango lize pomurandi gomupe. Yimaliwa yokusika ko N$56 000 yiyo navaruganesa vayiture nye asi yina kurugana varundurure mambo ogo pwavanyago wovape. Ndango kazimwene asi elikwamo lyangesi mulyo unene, omu vana kugusapo udigu wangesi vaga nye mambo aga gaze kwavenyago yakara asi yagusa nonyuku kapi vana kugwana ekohonono, yimo ana kutanta.
Age simpe katente nye asi nonkambadaro dimwe kuna kuwizapo edi dina kara asi kuvapa yikarata kuruganesa mema norutjeno komambo gokusika ko 609 omu navavatera vatungimo varuganese nawa nayinye oyo yakara asi hepero, yipo vafute eyi vana kuruganesa komeho vakakare nomakongo hena. Yokuruganesa yikarata hawe kuretesapo uwa morwa muntu ogo kapi takara hena nomakongo komeho oko, asi morwa koyo aruganesa mema norutjeno.
Elikwamo eli lyokurandesa mambo aga gomo Block E kwayiretesapo asi tuvatere vantu vetu omu navagwana evhu lyavene, nye kuvadigopera nye asi ngapi navafuta mukuli gwawo. Vantu kukara neparu nepiro yirugana eyi yaninkisa asi kapi vana kuvhura kurundurura mambo aga pomadina gawo.
Egano nye lyondango lyokugusapo makongo aga, ntani mokuvafutirapo yimaliwa oyo, ngesi kuna retesapo uzera una wapa morwa ngesi awo tavagwana mambo gawo yimo ana kuyinkondopeka. Pieters simpe kazire komeho nokutanta asi udigu musinke zina kupita ndango kuhamena simaliwa, muna kara vantu vana kupira kufuta, makura vana kara nye nomakongo kwaNamwater ntani kwaNampower. Mukaro nye ogu kuna kudigopeka sirugana sondango makura kapi nye yina kuninkisa asi ndango zisikisemo sirugana sazo nasinye. Mukaro nye ogu gokugusapo makongo kunakara simwe vana rugana somutaro nye ku akara netokoro lyedigu unene, morwa vahepa kuvatera vatungimo vawo modoropa zaRehoboth, yimo ana kutanta ngoso.