Taimi Haihambo

Opolifi moshitukulwa shaMusati oya lopota oshiningwanima shonghendabala yedipao nelikufomwenyo omo omulumenhu weedula inadi shivika eli kufa omwenyo konima yoku Yasha noku ehameka omukainhu waye womido 49.

Oshiningwanima eshi eshi osha ningwa momukunda Okagongo-kaludhi  moshitukulwa shaShikuku. Otaku hokololwa omulumenhu wedina Victor Shaninga, eli yasha nondjebo momutwe nokufya, konima eshi a yasha mombuda nokumonifa oshiponga omukainhu waye wedina Loini Levi oshivike.

 Omukainhu vati okwa aendelelwa po atwalwe koshipangelo koShakati noku li vati monghalo ili xwepo.

Opolifi oyati Shaninga okwa ya pomukunda wooLevi, vati a ya po ta shingi otuwa yaye, oyo a kanghameka eemeta donhumba kokule nonhele apa hapulongele Levi.Konima vati poilonga yoo Levi ovadjapo kolupadi, ngeno vaye keumbolo looLevi ndele temu yashele mondjila mombuda.

Omukulunhu wopolifi moshitukulwa Commisioner Ishmael Basson, okwa yandja enyenyeto laye tati oshitukulwa shaye oshaningapo etindi lomahepoko oomeme nounona.

“Omwedi ou noho oo omwedi ou ovakwashiwana vapulwa vayandje oilwifo yavo kopolifi, unene tuu eendjebo ngeenge ita veilongifa ponhele yokuilongifa oimbuluma,” ta ti.Okwa wedwapo kutya ovanhu ngeenge ovena oupyakadi wopomadiladilo, ile oudjuu tau vehapeke, nava kendabale vakonge ekwafo kopolifi.Taimihaihambo2000@gmail.com