Auleria Wakudumo
Omumati weedula 19 okwa xulifa sha dja eshi e lidenga po omanga ta idilile oimuna koshiunda okudja koufita.
Oshiningwanima osha ningilwa momukunda Oshigambo moshitukulwa shaShikoto, sha ningwa Etitano lwopo 17h00. Omukulunhu wopolifi moshitukulwa shaShikoto, Commissioner Teopolina Kalompo-Nashikaku okwa koleka oshiningwanima eshi.
Nakufya okwa tongololwa oye Andreas Shifugula.
Otaku hokololwa Shifugula e ya keumbo komatango okudja koufita nokwa hangika ta ka idilila oimuna.
“Mokweeta oimuna koshuunda, Shifugula okwa ongotela pedu,” Nashikaku ta ti.
Nashikaku okwa ti umwe womovakwanedimo laye vati okwe mu mona eshi ta ongotele nokuifana ovakulunhu meumbo ovo ve mu pendula ndele ta tameke okupopya.
Otaku hokololwa Shifugula a wila pedu oshikando shitivali. Ovakwanedimo ova kala va teelela a penduke ngaashi kwa li a penduka oshikando shotete ashike ina dja po vali.
Konima yeevili mbali, ova kendabala vati okutala ngeenge ota fuda ngaho ashike okwa xulifa nale.
Ova lopota oshiningwanima eshi opolifi ndele ta twalwa koshipangelo shepangelo kOnandjokwe oko eendokotola da koleka kutya okwa xulifa nale.