Taimi Haihambo 

Omukulunhu wokomisi yomahoololo yoElectoral Commision of Namibia (ECN) moshitukulwa shaMusati Elizabeth Shiningayamwe okwa ti ova kolota nove na omhumbwe yakula yoyeendifo yoshikonga shomahoololo aNovemba. 

Eshi okwe shi popya pefimbo a li ta yandje ouyelele u na sha nomahoololo nghee taa ka enda, apa taa ka ningilwa kovanapolitika veengudu adishe edi tadi ka ya momafiyafano omahoololo oukansela. 

“Eshi hatu popi paife ngaha out na ashike eetuwa di li 286 dopaumwene, odo da shangifwa moshitukulwa, notwa pumbwa natango oyeendifo i li 403, shaashi kumwe aishe oi na okukala 689,” ta ti. Okwa twikila kutya eetuwa edi va pumbwa neenghono ngeno eebaki doikoto ivali ile oshikoto shimwe. Eetuwa edi dishona ngaashi outuukala nou- SUV nado pomhito apa vati otadi dulu okushangifwa omolwomhumbwe ndele tadi litulilwa penya manga. 

Eetuwa edi tadi shangi fwa momahoololo vati otadi shangifwa kombonge yakula yopolifi moshitukulwa shaMusati. Omalishangifo oihauto vati okwa tameka nale mo27 yaKotoba nokwa teelelika a xule mo 31 yaKotoba. 

“Onghee ohatu indile amushe ava mu na ohokwe nehalo lokushangifa oihauto yeni Ii ka longifwe moshikonga shomahoololo, mu shi ninge shaashi efiku laxuuninwa loku shangifa oihauto olili opepi,” Shiningayamwe ta ti. 

-taimihaihambo2000@gmail.com