Rudolf Gaiseb
Nampili ngomu nombunga politika dina kulituramo mberewa zomahoroworo kapi nazikayipulisira asi vakaguse tupu kampani zina kukarugana yimbangu ndi yimbapira yokukahorowesa momahoroworo ogo gana kuwiza, vakomisare nkera kavageve mbudi asi vana hagekesa eyi kavatente asi kuna kukatura matjingiso gakare pontambo zouzuni konokampani dina hara sirugana sangoso.
Mukurona gwaECN pomberewa Peter Shaama katente asi vakamisare kun ayimono eyi asi yahepa kuliza noudemokoli wetu ntani vatungimo morwa kapi vana hara yimbapira eyi yiyasike yina hulilire vana hara yikare asi kuna kuyigwana nosiruwo.
Posiruwo sosigongi kumwe nonombunga politika, PLC nkera, vakaomisare kavageve nye mbundi zezigido kwavavana kara vegendeso, unene vana karerepo nombunga politika vana kukalihamesera momahoroworo gana kuwiza asi vahepa kukatara omu vana kurugana yimbapira eyi yokuhorowesa, omu vana kuyivhukisa, nomuvana kutura omu yawapera nomuvana kuyirongera.
Age katente asi awo kavatere nye nayinye oyo, morwa nayiguma hena siruwo sokuyayisikisa, yomahoroworo goupresidente ntani mbonmgarero zanavenye makura kavasikire nye pontambo zokugusapo etokoro eli kavakere nalyo lyokuruganesa veta ntonkorwa zo 54 (1) zonongendeso omu nava vhura kuranda nsene yininke yombunga ndi yonkarapamwe, kukwama veta zonomora 15 zomo nampa 2015.
Muhuyungilipo mbunga ezi zomahoroworo, De Wet Siluka katente asi mbunga zomahoroworo kapi simpe vana gusapa ndi vagava sirugana kokampani nkenye. Awo kavahere nye kuruganesa veta zina kugava nonkondo kwawo omu navagusa kapmpani ezi zina kara asi tavareta oyo vana kuvapa nosiruwo kapisi pakare malirango nkenye.
Ano makura awo yangoso kuna kutura nye matjingiso gangesi gatameke, vakomisare navakara hena simpe nosiruwo mokugwanekera kumwe nonombunga politika, novakarelipo navenye ava vana litjangesa vana kukahamena momahoroworo gangesi posiruwo songandi omu nye vana kuza vakaliwapayikire yomahoroworo aga.
Yimo ana kutanta Shaama. ‘’ Eyi kuna kara asi nombunga politika dahepa kukara asi vana kara novakarelipo vado vatare asi ngendeseso ngapi zina kugenda omu vana kuyivhukisa ntani omu vana kuyirongera, yimo ana kugweda ko ngoso.
Awo simpe kavatere asi vahepa kusesupika ndando ndi mukoso gokureta nomaterials pepi morwa simpe vahamenimo navenye vahepa kukakarapo nkenye oku vana kukayiruganena yimbapira yangesi.