Auleria Wakudumo
Eebashu di dule 800 moSwakopmund otadi ka lundululwa di ningwe omaumbo opashinanena okupitila mopoloyeka yedina National Informal Settlement Upgrading Project (ISUP).
Minista womayambulepo eedolopa noitukulwa yokomikunda Erastus Uutoni okwa lombwela ovakalimo vomolukanda DRC moSwakopmund pefimbo loshoongalele sheyambule po leebashu ta ti omhumbwe yomaumbo eli pamufika wopombada onghene tai twikile oshilongo ashishe onghene omaliko a tulwa po kepangelo a nhuninwa omaumbo atya ngaho okwa pumbwa okulongifa noukeka opo Ovanamibia va hapu va mone omauwa omaumbo. Uutoni okwa holola ta ti oNational Informal Settlement Upgrading Project otai ka kwafela epangelo okutungulula nokuyambula po eebashu opo ku findwe omhumbwe yomaumbo opamufika wopombada. Okudja oproyeka eshi ya patuluka pambelewa mo2020, epangelo ola yandja eedjo di fike peemiliona 700 noshipambu sha kula shoimaliwa osha longifwa momangela yoHarambee Prosperity Plan okukwafela okuyandja edu nokuyambula po eebashu,” Uutoni ta ti.
Uutoni okwa weda po yo ta ti odoolopa yaSwakopmund oya hoolola nokuyandja eeplota 803 koproyeka yo National Informal Settlement Upgrading Project olweefo lwotete la teelelwa li yambule po omaumbo 233.
Minista okwa holola ta ti nghene vati oprogramma ya tambulilwe ko moshitukulwa sha Khomas, NHE (ehangano lomaumbo), City of Windhoek oshoyo elelo lopashitukulwa shaKhomas vati ola tula oukuni kumwe nouministeli oo tuu ou ndele tava hange omatokolo a kula okukandula po eyokomesho leebashu moshilando pangelo.
“Elongelo kumwe eli ola yandja oidjemo iwa eshi omaumbo e dule 750 a yambulwa po,” Uutoni ta ti. Uutoni okwa ti oproyeka ei paife otai longifwa oshilongo ashishe molwa oidjemo iwa ya yandwa kuyo.