Ominista yoikwameni nomataulikilo okeengaba, Albert Kawana okwa pitifa natango okatendo oko ngeenge ka piti taka ka etela eedokotola di pangulwe ngeenge da dopa okushanga oshi etifo shefyo peedjapo domafyo.
Kawana ota ti okatendo otaka ka popya nokutwa omufindo oshinima shoku fiya omwaka posheetifi shefyo meendjapo domafyo, osho paife sha idjipala. Ota ti oshinima eshi otashi imbi vati okuyandja omwaalu nouyelele welixwapo womafyo. Eedokotola vati i hadi shange ouyelele kutya osheetifo shefyo oshike osho hashi tula pedu nokuya moshipala omavalulo e li xwapo nokuli mondjila. “Ouyelele owa fimana okutula moilonga omhangela yexumokomesho, ta ti.”
MuMarsa odula ei, ovakwanedimo vovanhu 16 vokomukunda Kayova pamwe nahamushanga djai wongudu yoNational Unity Democratic Organisation (Nudo), Joseph Kauandenge okwali va eta mo oministeli woikwameni kutya oshike tai kwata eedula okuyandja oidjemo okudja kokila yovakwanedimo.
Okwa konenenwa vali oshiningwanima sha ningilwe petameko lodula momukunda Livayi, moKavango West omo ounona vatatu vali va xulifa taku fekelwa va lya oikulya ina oudio, ashike ka pena olopota yopambelewa ya yadjwa, fiyo opapa kutya osheetifi shefyo oshike.
Kawana okwa denga omufindo ta ti okatendo ota ka eta po ouyelele wofaafa kutya olye taka shangifa efyo lomukwanedimo na olye ta ka pewa oshinakuwanifwa shepako opo ku kalekwe po omakuyunguto taa eta omunhu a kale ina fudikwa diva.
“Okwa twikila tati okatendo otaka popile omaudjuu mahapu hama etwa keedjapo domafyo. Luhapu, ounona voufiye oha va anyenwa eedjapo domafyo ovakulunhu vavo, osho fimbo limwe hashi eta opo ounona va kale inava fyuulula omaliko ovakulunhu vavo va fiilwa.Omunhu ta ka pula odjapo yefyo na yandje oumbangi, ta yandje oufemba waye, nomanambelewa na kwashilipaleke oufemba womunhu nokushanga ekwatafano pokati kanakufya na nakupula odjapo yefyo,” tati.
Paife, ouministeli ohau yandje vati eenhumwafo tadi dimine komahangano kutya omunhu okwa xulifa. “Ouministeli iha u yandje eedjapo domafyo. Ota ti ohashi eta omaupyakadi nokulondeka oumbudi shaashi eenhumwafo inadi amenwa notadi dulu okushangululwa keembudi. Okatendo otati ota ka ka lundulula omukalo ou, “ta ti.