Auleria Wakudumo 

Ouministeli wehongo, oungoba, omaudano novanyasha owa holola kutya eefikola otadi ka kala da pata mefiku lomahoololo momafiku 26 Novemba 2025. 

Eshi otashi ningwa opo ovanafikola, ovahongi novanambelewa mouministeli opo va mone omhito yokukufa ombinga momahoololo oukansela oo taa ka kala ko momwedi tau ya. 

Ouministeli owa kwashilipaleka kutya efiku limwe ashike olo la yandjwa keefikola di kale inadi ya koilonga. 

Nande ongaho, omihandjo otadi kala da patuluka okukwafela omahoololo oukansela. 

Ouministeli owa shivifa yo kutya eefikola adishe moshilongo otadi ka ya mefudo lomudo ou momafiku 5 Desemba 2025. 

Ovahongi, novanailonga vakwao ova teelelwa va kale ve lixula koilonga momafiku 09 Desemba neudo. Ouminsteli owa ti kutya eendjapo dounona otadi ka yandjwa efiku ovahongi tave lixulu ko kofikola. 

Onghene ohatu indile ovakwatelikomesho mehongo moitukulwa, moikandjohoololo osho yo ovakulunhufikola va pukulule omalunduluko a tya ngaha mouliindeli vofikola. 

-wakudumoauleria@gmail.com