ONAKAMWANDI – Ovakalimo vokomukunda Onakamwandi moshitukulwa shaShana, ova hangika nale komeva efundja oo nokuli a pata omataulukilo haa longifwa kovaendi vokolupadi efiku nefiku. 

Onghalo oya fininika ovakalimo ava ve na eendongi osho yo outemba, va tameke ongeshefa yavo yoku tuta ovanhu, oyo hai ningwa unene pefimbo lodula.

Umwe momwaava hava tutu ovanhu neendongi Frans Shaketange okwa ti ye ote shi ningi ashike momukalo wokuyambidida ovanhu, ashike ihava pula lela shihapu ngaashi vakwao.

“Ihandi ningi lela ongeshefa i yadi, shaashi keshe umwe ota eta ashike eshi e na po ame handi va taulukifa,” ta ti.

Hileni Naftali omukalimo waNakamwandi okwa ti oupyakadi ou hava taalele kau shi ashike wokutauluka omeva, ndele omeva ohaa eta oinima ihapu hai v akwata moshipala momikalo dihapu. 

“Ngaashi ashike ngeenge tash iya pokutaulukifa ovakulupe omeva. Ohashi kala shidjuu shaashi kave na kutya otava piti ngahelipi, unene tuu ngeenge tava ka tambula omiti davo,” ta tumbula.

Efimbo limwe vati omukulupe oha pumbwa oku ka fika pokapengelo kuye mwene opo a ka mone ndokotola, ile a divilika vati, ndele kape na omukalo umwe uhe shi okupitifwa omeva nokatemba keendongi.

Naftali okwa twikila kutya ngeno kappa li outemba veendongi vo ngeno kave shi kutya ohava xupu ngahelipi.

“Omunhu ngeenge to londekwa, oho pulwa ondado yoye mwene yokufutila olutu loye, do eendongelwa doye ohadi pewa ondado yado,” ta yelifa.

Ava ve na eendongi osho yo omatemba, efimbo eli ohali kala omhito yavo yokulonga oshilumenhu lela , osho yo odola ya kwata moiti. Nonande vamwe tava li li efundja, vamwe kombinga ikwao ota ve limemesha.

Ovakalimo ava otava pula epangelo liva kafwe nande oku tungilwa okanhopa kavatele pomatulukilo aa, koo kakale yo haka kwafwa nande ounona vofikola osho yo ovakulupe, novakwashiwana aveshe koonono. -taimihaihambo2000@gmail.com