Wilhelm Kalistu omushikingalo oo a shivika nawa ongaChella Boy, okwa ti monghalamwenyo i hadi omashongo, eengalo odo hadi mu etele ombili yokomwenyo.
Chella-Boy okwa ti okwa yambukile pomukunda Eembidi, nokwa waimina owela wokwiimba peedula 22 eshi a tameka onga DJ kwa li.
“Okudja mou-DJ, onda ka tameka lela handi shiki eengalo oda li da mbekula oshiwana, tadi ke mu lela komitima doo tadi velula osho yo okukuma oshiwana apa sha dengwa pedu. Konima eshi nda kala handi denge oshitalendi konima yembako ngaha, ombili yange yokomwenyo nao oya shikulange fiyo onena,” ta ti.
Okwa twikila kutya konima okwa kala oshiima shakula mowela, nokwa kala lela ha ningi oshimaliwa sha kola, yo aishe oya kala tai ende nawa.
“Mowela otwa ka ninga mo nee tuvahapu. Eetendela inadi kala vali tadi ende nawa, okumona oteendela osha kala ashike she likolelela koshitalendi shoye, ashike nande ongaho onghee ngaho handi twikile nokumbekula oshiwana.
Chella okwa holola yo olukeno laye kovanyasha ava opo tave ya mowela okutya okapale paife okandjena ina ka fa ngaashi nale.
“Omunhu opo u dule okunyanyuda ou na okufuta mo omunhu,” ta ti.
Ashike nande ongaho okwa twa ovashikingalo vakwao omukumo kutya, nava longe noudiinini fiyo oilonga yavo tai limonikila, opo ashike tava dulu okuninga eshi ve hole memanguluko vo tava mono ouxupilo wavo.
“Ondi na oalubuma ipe, oyo nda teelela i pite omafiku aa nohandi indile oshiwana shaNamibia shi waimine mokuyambidida nge,” ta ti.