ONGWEDIVA – Ombelelwa yoshikandjohoololo Eenhana oyo i li momukunda Onambutu oi li monghalo ya nyika ouhefi konima eshi ovanambelewa vati ve i hauluka. Ombelewa vati oya fiwa po kovanambelewa mo2016 aveshe, mwa kwatelwa kansela molwaashi yanli i na omakuma a tenda nokwahokwa keehedi. Etungo vati eshi la hokwa keehedi ohali kala tali nyengena notalihale okuwa po, osho sha li sha nyikila eenghalamwenyo daavo hava longo mo oshiponga.
Okavidio ke lihanena komalungula ke na sha nonghalo yombelelwa otaka ulike omafano omupresidente mukulu Hifikepunye Pohamba a fiwa medu. Mokavidio natango omwa holoka epandela loshilongo li li koshi yomatudi oikombo, oshoyo oupakete veekoondoma do di li medu onduba koshi yomatudi oikombo. Omukulunhu welelelo loshitopolwa Fillipus Shilongo okwa popya kutya eshi va fiya po etungo ova ya konguluongalelo yaNambutu oko va ka longele. “Eshi twa tembuka oilongifo aishe yepangelo otwa fiya twe i tuta mo no inatu fiya mo nande osha shi na ongushu yonhumba,” Shilongo ta ti. Umwe a pula aha tumbulwe kedina okwa hokolola kutya yee okuudite sha fa sha nyika ekanifo lomikalo okutala epandela loshilongo tali mono oixuna li li koshi yomatudi oikombo. Okwa twikila yoo kutya oupakete veekoondoma ava ve li koshi yomadu va fiwa ouhefi navo kave shi efano liwa shaashi oshilongo otashi lili omhumbwe yeekoondoma manga di li koshi yomatudi oikombo.
Shilongo okwa hokolola kutya voo otave livele ombedi, nova hala okuyandja ombili yasheywa i na sha noinima aishe ei tti holoka mokavidio ke lihanena komalungula. Okwa twikila kutya ombelewa eshi ya li ya fiwa po kwaavo tava longele mo oya li ya patwa no kapwa li omukwashiwana wonhumba a pitikwa okuya mo. “Molwokuhashikula kovanhu natango ova kendabala okulongifa eenghono davo opo va ye meni lombelewa ve ke i ningile ominyonena,” Shilongo ta ti. Okwa twikila kutya ota indile ovakwashiwana va xulifepo omukalo wokulongela ombelewa ominyonena doludi eli. Elelo lookansela ola ninga onghendabala opo li tule ovatonateli vomaliko kombelewa ikulu yoshikandjohoololo opo va dule okutonatela keshe eshi shi li meni.
Ombelewa yoovene oya yeululiwe mo 24 Aguste 2009 noya li ya tungwa po kongushu yo N$1 456,059. Mo 2010 ombelewa oya tameka okuendekela oku itaku diya eshi ya tameka okutenda omifya kekuma oshoyo mofulula yoovene. Ombelewa oya tamekwa yoo okuhokwa keehedi da dilila koshi yofulula vati. Omukulunhu wombelewa okwa ninga onghendabala a konge ovatungi vati opo vatule oinima aishe noku endamununa apa pa endama. Mo 2013 onghalo yetungo tali tende vati loo tali hokwa keehedi okudilila koshi oya tameka natango noya xwangupala. Nonande ekwafo la li la yandjwa okuwapeka apa pwa li pwa endama natango, onghalo oya ka pula komesho mo 2015 osho sha ka etifa ovanhu va ka kale va tila okuwililwa po ketungo shaashi vati ofulula kaya li val