Zebaldt Ngaruka
Ministeragona gonodoropa nekuliko lyonomukunda Evelyn Nawases-Taeyele katente asi elikwamo lyokukulika Otjinene kapi lina kara tupu asi ntudi ndango zodoropa zelike, nye vatungimo nawo vahepa kuruganako Yuma koruha rwawo. Apa nye kakahuyungire posilika sokudana egawneso doropa ezi nomvhura 10th omu zatameka kukara asi doropa, Nawases -Taeyele katente asi vatungimo vana kara mulyo unene mokuruganeko ruha rwawo mekuliko.
‘’ Ame kuna kumuhundira asi mwahepa kulihamesera moyiviyauka yondango, mwahepa kukara poyigongi makura mugave magano geni.
Maudigu geni vahepa kugazuvha makura nago vagature nye momagazaro omu navaza komeho, yimo ana kutanta. Ministeragona katanterere vatungimo asi vahepa kuhuyunga nsene koyili eyi vana heap asi vayirugane ndi vayitjindje. ‘’ Eruganeno kumwe, kuvhura kurugana nawa morwa nkenye eyi tuna hara kuvhura kuyiwapukurura.
Yimo ana kutanta Nawases -Taeyele. Age simpe katente asi ezuva eli kuna kureta nye nonyuku doyirugana, ekuliko momarunone. Nampili moomu tuna kudjombwana, twahepa kukara nosiruwo sokutara asi yinke twarugana nokutuna yuka. Twahepa kulipura asi koyilitwasikisamo ndi hawe, ndi koyili twarugana tuna heap kuwapukurura, yimo ana kupura ministeragona.
Age simpe kagwedero asi esi siruwo sokutara asi yinke mwarugana, ntani tutwikire kuza komeho. ‘’ Sirugana esi twarugana mulyo unene, nye kuna kara ngesi asi ezi ntateko. Morwa simpe yinzi yina kara komeho natuvhura kurugana.
Ministeragona kadimbwilire wondango ntani vatungimo modoropa zaOtjinene ava nye vakambekako kuwoko kelikwamo lyekuliko.
‘’ Ava nye vakere asi yimo vakere, nye vatusiga, eyi mwakambekako kapi ngatuyidivara. Ose tuna mukorota yoyinzi mokumupandura. Nawases-Taeyele simpe kuna kutanta asi age ana kuna hafa morwa Otjinene kuna kuza simpe komeho mokukura. ‘’Situmbukira sina zere, Otjinene Tjituzera’ Otjinene tuna lituramo, vatungimo vakara asi kapisi kugazara kwelike nye kwavahara, omu vantu avamono asi kwavagwanekedesa , vana kara mepopero ntani vanagwana nonkondo nomukumo keparu lyawo lyokomeho.yimo ana kutanta ngoso. -zngaruka@yahoo.com