Elelolyondoolopa yaNgwediva moshitopolwa shaShana olya gandja computer yopeke (Laptop) kOshana Education Award Ceremony yomumvo nguka.
Mayola gwondoolopa ndjoka Angelina Angula, okwati kutya egandjomagano ndyoka olili oshitopolwa shawo shetsoshimpwiyu moshigwana na ocomputer ndjoka oyina ongushu yoshimaliwa shoondola N$5000.
Angula okwa hokolola kutya oya hala oku sa oshimpwiyu kutya omulongwa ngoka a ninga nawa koonono moshitopolwa ashihe a kale a mona omagano ngoka opo aanona ya tsuwe okumo mokulesha omambo nuudhiginini.
Dhoka Angula okwedhi popi nduno pegandjomagano lyowina mondoolopa yawo momaandaha gwoshiwike shika. “Tse elelo lyondoolopa ndjika otuna etimaumbwile lya kola moku yambidhidha elongo lyetu moshitopolwa shetu, na otwa tegelela iizemo iiwanawa okuza kaalongwantu yetu,” osho a hokolola ngaaka.
Kakele kelongo okwa hokolola kutya ondoolopa oyo tuu ndjoka oyina einekolo lya kola maagundjuka mboka yeli oyo aaleli yokomongula na omolwaashoka elelo olya gandja omagano giikwambakithi yongushu yo oshimaliwa shithike N$10000 kOngwediva Youth Empowerment and development centre.
Okwati iilongitho mbyoka oya gandjwa nelalakano opo yi nkondopaleke ongeshefa yaagundjuka mboka mokuteleka nokumbaka.
“ Shoka osho okashona hoka tuna po mokuyambidhidha aagundjuka yetu,” osho a gooyoko ngaka.