Minista wouhaku nomayakulo opashiwana Dr Kalumbi Shangula okwa ti epangelo ota li shi endifa nawa okulela ombuto yoHIV\AIDS molwashi omivalu dovanhu tava kwatwa kombuto oda shuna pedu.
Edi Shangula okwe di popya mexuliloshivike kefiku lokudimbuluka omukifi woHIV\AIDS mounyuni koRundu.
Ovanambelewa voundjolowele novakwashiwana okwa li va holoka okudimbuluka efiku loHIV.
Shangula okwa ti omivalu domafyo ovanhu va kwatwa kombuto yoHIV oda shuna pedu okudja momudo 2018 fiyo momudo 2022.
Okwa ti omudo wa dja ko okwa lopotwa ovanhu 230 000 va kwatwa kombuto ei.
Minista okwa popya ta ti Namibia ota lalakanene okukala aa eta omukifi woHIV pexulilo okuhanga omudo 2030.
“Epangelo ota li kwashipaleke kutya omukifi ou otau lwifwa tashi pitile okuyandjaneka omayakulo opaunamiti noshoyo okuxwaxwameke oshiwana nghene shi na oku li a mena kombuto,” ta ti.
Okwa weda po ta ti epangelo ota li twikile nokutula moilonga eeporongarama da yooloka da nuninwa okukelela ombuto yoHIV.
Minista okwa ti oshi li oshinakuwanifa shotete youministeli wavo okukala sha kwashipaleke kutya koipangelo oku na omiti da wana depango loHIV.
Okwa kumaida ovanhu ve li kepango lomikifi da yooloka opo va twikile okunwa omiti pefimbo ngaashi naana sha u fwa keendokotola.
“Omwaalu wounona tava dalwa nomukifi woHIV owa shuna pedu mokufafanifa nomido da pita,” ta ti.