Hamutjanga gocabinet, Emilia Mkusa, katente asi mvhura zomo 2024/2025 kuna kara asi siruwo sosidona unene monomvhura dakapita 44, omu nye tupu yakara ngwendi paveta asi rukukutu kuna kara nye mwaza sirongo nasinye.
Mkusa katente montumwaraka kavageve moutano kupitira momberewa zankuru ministera. Hamutjanga gokabinete, nampili ngoso, age katente asi mvhura nampili ngomu yina kara asi kuna kuroka nawa nye kwawiza hena nomaudigu gokulisiga siga, unene oku nye zaroka zonene kwazonagura matungo ntani nkarapamwe kwazisiga poruzera. Nomukunda ntambali, kuna kara Khomas, Oshana, Omusati, Ohangwena, Kunene, Zambezi ntani Hardap kwamona ruhanzo oru rwagumine unene vantu wokusika ko 9 184 sivaro sovantu.
Morukanda rwa Agtste Laan moVenduka, 282 mambo ntani 1189 vantu pamundinda kwamwene udigu eyi yaninkisire mambo gokusika ko 102 vavadirure vaze kopeke. Nonzira dimwe dononene kwazonaukire momunene. Ntopa ezi zagwanekedesa Rehoboth naVenduka kwazizungwilirepo, eyi nankisire nzira vazipate pangenderera ndi posioruwo sosisupi eyi yaninkisire vaziwapayike noyimaliwa yokusika ko N$6.4 nomiliyuna varuganesa nzira ozo vapitiremo posiruwo sosisupi.
Ndopa zomoOshona, ezi zakara asi kwagwanekedesa Oshona naOkahandja oze koVenduka, nazo kwazonaukire kovhura zarokere unene, ano mokuziwapukurura kwapura nye yimaliwa yokusika ko N$28 nomiliyuna ,’’ yimo ana kutanta Mkusa.
Age simpe katente asi, mvhura zana mvho kuna kulikida nayo peke, mwaza sirongo. evango lyenene momukunda gwa/Kharas ntani momukunda gwaHardap, Namib, utokero waErongo ntani mbindakano zaOmaheke awo unene kugwana mvhura zonsesu ano siruwo oso nomukunda ngwendi Zambezi, Kavango zoupumezuva, Kavango zoutokero, upumezuva waOhangwena, Oshikoto, komuzogo utokero Otjozondjupa ntani komuzogo gwaOmaheke awo kugwana mvhura ezi zakara asi kuroka unene.
kahundilire pakare mawapukururo ntani kulituramo unene tugendese mema getu nokuhundira nye vana kuyigendesa vatare nawa nawa asi twahanyanda hena kuruhanzo ntani mema ogo twahagazumbanesa tugaruganese.
Age simpe kahundilire asi twahepa kukara nonombora, mema gomvhura, ntani mema nye goruhanzo. Mkusa kageve nye magano gendi nakunye koyimuna ntani konombuto asi kuliwapayikira unene nsene asi mvhura kuna kuwiza.
Wokuzangura nombuto vahepa kuruganesa mvhura zokuhova kugwa, epya vahepa kulizeresa nawa nawa, ntani kuruganesa nombuto dokulisiga siga. Ano wokuweka nye yimuna vahepa kutara asi yilifukise morwa mavango gokulisira gana wapa unene ndi asi gana kara nomukaro gomuwa. -Nampa