Rudolf Gaiseb
Mberewa zankuru ministera kazitente asi epangero, mokupitira moministeli zonondima, kuna kukaza vakazangure mema, goruhanzo naga gomvhura yipo vagaruganese kutekera yikunwa yonoprojeka. Apa nye kahuyungire mombongarero zanavenye, nkuru ministera Elijah Ngurare katente asi eyi kuna kara nye asi posiruwo somurokwa, mema vahepa kugazangura vagapungure monondama edi vana rugana devhu. Moprojek nye zangesi, kudika nondama ntani kuwapukurura mavango aga vana kumona asi tavazanguramo mema.
‘’ Ministeli zina kara nelikwamo asi ngapi navazangura mema, negano twaramo asi ngapi navazangura mema aga, eyi nye nayigusapo udigu twakara nawo wokupira mema, makura ose tukare nye asi kapi natukara hena noudigu nampili wongandi. Ministeli zonondima nare vadikako nondama demevhu domema mo 2020, dina siki ko 42. Omu muna hamena 16 nondama domema demevhu moOshana, mbali kuna kara moHardap, ntatu kuna kara moOshikoto ano edi murongo kuna kara momukunda gwaOhangwena. Ntani mbali kuna kara // Kharas, mbali nondama kuna kara moOmusati, ntatu kuna kara moKunene, ntani nondama nye ne kuna kara moKavango zoutokero. Mokugwedako, nkuruministera katente asi ministeli simpe kuna kara nelikwamo lyokukadika nondama edi ntani mokuwapukurura matope yipo yinwemo yimuna yawo. Ngurare kaydidilikire asi epangero, mokupitira mominsiteli vana mono mulyo unene asi vahepa kuzangura mema aga yipo tutunde moudigu womema. Morwa ngoso, epangero lina kara asi kuna kuza negano lyokudika nondama edi mwaza sirongo, eyi nye nogwana mombapira zetwaromo ekuliko lina kara asi NDP6. Namibia kuna kara nye nomavango gane aga gakara asi gokuhanzera, Cuvelai-Etosha Basin, Fish River Catchment, Okavango oku oku hanzere ntani mukuro gwaZambezi.
Mavango aga kwakara asi kukarpo mema ntani gana wapere kugaruganesa konondima ntani momambo ngoso. Mo 8 Kudumonkuru 2025, mpitisili gwaPopular Democratic Movement McHenry Venaani kageve ruguwo rwendi, omu katente asi kutura nondama devhu tupungure mema yina kara mulyo unene posiruwo sosisupi esi atugwana mvhura.
Nondamaedikugavamemagomawaunene apa nye atukasika posinema sorukukutu, unene nomukunda doponze zodorpa edi dakara asi kundindira tupu mvhura ziroke yipo varugane yonondima. Ose kukara unene noudigu unene yokupira mema, unene nomukunda doponze zodoropa ntani nedi dopopepi. Eyi twahepa kuyirugana siruewo oso tuna kundindira magano peke, ngesi twahepa kuzangura mema aga. Ruhanzo oru tuna kumona monomvhura edi kuna kutwaredera asi turetepo magano aga gokudika nondama. Nye dogoro ngesi ava nye wokukona kona nsitwe simpe kapi varugana yirugana yawo nye veta zetu azo kuna kutanta namo peke. Nondama nadinye edi kwadirugana miinisteli zondima eyi tuna kugazara asi awo vakkwama veta zetu zosirongo.
Mberewa zankuruministera kazitente asi nampili ngoso kwato muntu pamundinda ngwendi vapulisira asi adike ndama ezi ndi asi asime gahana kugwana epulisiro koministeli lina kara patjangwa.
Ngurare kageve marondoro kovantu ndi nokampani dina hara kudika nondama devhu asi vadiruganese pwavene asi pomuhowo vahepa kugwana epulisiro lina kara patjangwa lina kutunda koministeli zakara nosinka oso. Omu muna hamene asi wahepa kutjanaga asi ngapi nazikara ntani efano lyazo yipo asi vakuvatera omu vana kugwana makonakono gawo kukwama nye egano lyoge. rrgaisebgmail.com