Mvhura kuna kuroka nawa momaruha nagenye gaNamibia, nkenye oku nozuvha vantu kuna kutanta asi nomvho tavazangura muzangu gomuwa. Umbangi tuna kara nawo kuna kumone Presidente gosirongo kuna kudingura mavango aga vatura asi gokulima ndi kuzangura nondja edi vana kugazarera asi tadikarera sirongo. Sinkwa ntani katumumwene mukurona gosirongo momukunda gwaKavango takadingura yikunino omu yina yenge nombuto kuna kupekema nye kapisi dokutekera hawe kuna gwana murokwa gomuwa omu epungu nomahangu yina wapa. Vamwe nare kuna kulya epungu lyepe ntani mahangu ngwendi Kashana ngesi kuna kuteza. Nyenkenye apa pakara yoyiwa kuhorokapo hena yoyidona, vanzovhu nawo vana mwauka valye nokusambanga nombuto dovantu momapya. Hawe ogu gapira kulima mvhra ezi ntudi yige nye gelike nautamba udegu watumbu tumbu. Mwahakara asi nampo kunakumuninkiliramo hawe twahepa kudiva asi ngapi tuna kuparuka nomu natupungura muzangu gwetu. Twahakara hena ngwendi mvhura ezi zina pu tumbu-tumbu yiro rusumo nye twahepa kutanta asi tumbu-tumbu zikafiremo. Nompitisili detu kuna kutanta asi turuganeni twaha sense oyo vana kuuyunga yousili turuganeni yipo asi twahakakara hena vamwe vana kara nokumona asi tumbu –tumbu yiro rusumo rwetu.
Twahepa kutara asi ngapi tuna kurugana ntani asi ngapi tuna kutura nokupungura oyo tuna zangura. Vantu natuvenye ngesi kuna kara nomunzangu nye walye makwedi tupu gonkandi nare kuna kutakuma asi epangero litarepo nawa. Tuhagekeni mukaro gwangesi asi epangero litarepo nawa, twahepa tupu kudiva asi epangero lyanavenye ana ogu ono gwana kapisi olizegure nye asi epangero naliruganapo suma. Vahewa, mukurona gosirongo kuna kutudingura atare asi ngapi tuna kuzangura, twahazangura tupu makura asi nampo yokunwa marovhu. Mvhura kuna kuroka nawa nombuto momapya kuna wapa kudimona uhenga welike kapi tovhuru kutanta asi vantu ntaantani vakalire nye asi epangero liruganeko Yuma nye muntu ogo apa valimine vakwawo age kuna kutara ndi kuna kunwa tupu gasamunterere. Twahepa kutunta momukaro gweni asi eyi yokunwa marovhu ame ngani gwana kepangero ndi kwahekurwange. Hekuroge nage novena vendi uzuni kapiru, kapi ava likangangere yamukweni. Nkenye gumwe kondjera yoge kapisi yamukweni.