Epukiro mari korwa mondatumisire yokanatje
Kae Maṱunḓu-Tjiparuro
Orukondwa rwa Maheke oro ndu kara aru tjiukirwa koviṋenge oviwa tjimwe tjavyo tji tjiri kutja Ehi rOzongombe. Nungwari okapapu ketu otji keyendayenda nambano nai rwa utu okuyenda ama ru toora omaṋi omengi pekepeke koruseinina kutja aru ha rire orukondwa omundu ndu mo kara nonyuṋe poo omutongatima naro.
Rimwe reṋi orukondwa nai ndu rwa toora ousyona noukaiye ouhimise ngandu nandarire ovature varo, mu mu novanatje tji va utu okupandjara ominyo vyawo mena rondjara. Orukondwa nai rwa huwa eṋi rarwe indu okanatje okaṱiṱi tji ka tatumisirwe nokuihamisiwa i yovanatje ovakwao mba isirwe pamwe nako. Ngunda ovanene vawo amave hakwa kutja va ri kombakero. Pu mape hee kutja ovanatje va isirwe aveyerike nokuhino’ mundu omunene. Okanatje kozombura ndano kari aka yakurwa momaniti mEpako indi tji katonenwe i yovaramwako vetatu vozombura 6, 8 no 12.
Oumba mbwi wa tjitirwe ponganga yahongaze yokanatje nga motjirongo tjimwe tja Pukiro.
Mbu ri oumba mbwa tjiukisirwe kOministeri yOnḓikasaneno nOmbwiro yOvanatje nOrupa rOmbwiro yOvanatje mEpako.
Hongaze yokanatje na varwe na imba ovanatje mba ihamisire omukwao va ri ave ri kehi yomahuhumiṋino. Ngunda inga okanatje ku ka tonenwe aka isa perwe poya hongaze yako nake yarurwa ku ina omukwate.