OPUWO- Omukuluntuwiliki gOprojeka yOkutekela Iimeno pEtunda moshitopolwa Omusati, Willie van Landens-berg ota ti Namibia ota ka teya omabanana oshikando shotan-go poshikunino shawo pEtunda muule woomwedhi ndatu ko-meho. Van Landensberg dhika ok-we dhi popi poshigongi mpoka pwa li osheendo shOkomitiye yEgameno lyIikulya nIipalutha okuza moshitopolwa shaKu-nene metitano lya zi ko pEtun-da. Omiti dhomabanana dha konda 800 odha kuninwe mu-Apilili omvula ya zi ko, no-mandhindhiliko otaga ulike kutya otaku ka kala eteyo lyo-mabanana ewanawa lyotango moNamibia muJuni naJuli nuumvo. “Tse otwa shilipalelwa kutya omabanana getu otaga ka kala ge na ombiliha ge vulithe ngoka haga etwa moshilongo okuza koSouth Africa, ano ngoka hage ende ondjila yookilometa dhi vulithe 3 000 okuza koshilongo shoka,” osho Van Landensberg ta ti. Okwa gwedha po kutya omalandithilo gaNamibia oha-ga nyenyeta kombinga yoku-landa iilongomwa yetu ngaashi omakanuwa oshoka oge na aniwa ondilo. Kakele, iilon-gomwa yomomapya ya faat-hana ohayi landithwa kaalandi okuza koSouth Africa mboka haye ya ishewe oku yi landitha kAanamibia kondilo noon-kondo shi vulithe pEtunda. “Ngele oositola mOven-duka odhi na eihumbato lya faathana nena Etunda otali ka landitha po omabanana ngaka koSouth Africa, noositola dhaNamibia otadhi ka landa ko ishewe omabanana ngaka oku-za koCape Town,” osho a lon-dodha. Omiti dhomabanana pOpro-jeka yOkutekela Iimeno pEtun-da odha kunwa moshikunino shoohekita hamano. Van Landensberg ota ti elalakano lyotango lyOprojeka yOku-tekela Iimeno pEtunda okweeta po oompito dhiilonga, okwii-monena iiyemo nokudheula aanafaalama aashona. Ota ti oprojeka ndjika oya sindana molalakano gayo ogendji, sho-ka wo sha etitha egwo pevi ly-oondando dhiilongomwa ye-pungu nuusila woomboloto miitopolwa yomonooli yoshi-longo. Omathaneko ga gwed-hwa po oga kwatela mo oku-longa omandjembele noma-mango poprojeka ndjika pEtun-da okuza muAguste nuum- vo.