Evango eli lyadivikwa lyaRuacana momukunda gwaOmusati, eli lyakara asi vadinguli kuzako unene, ngesi kapi lina kugwana hena vadinguli wovanzi moomu lyakere nare. Munasipundi gondango zovakansela Andreas Shintama katente asi ekonomi lyomodoropa kapi simpe lina kugwana mbatero moomu lyawapera, awo owo nye vagazarere asi hawe mpito zina wiza kuna yavasigi noudigu wounene.
‘’Egawo lyomema nalyo kuna kusesupa kapisi moomu lyakere nare, eyi yina kara asi kapi tovhuru hena kusikamapo asi otare mema, aga gakara asi kupita pevango eli nomutaro guna wapere. Shintama, ogu ana kara asi kansela gwaRuacana evango nye eli lyadivikwa asi yimo avazogana vamvhuu, eli ava yakara nye vadinguli ngesi nalyo kapi lina kara hena noyuma.
Ruacana paupolitika mukunda nye gwakara asi murudi pokatji kaOmusati ntani Kunen, kwakra nye apa agu pupu unene mukuro hgwaKunenegutunde moAngola gutambe nye kefuta lyaAtlantic Ocean, gwakara asi murudi naNamibia naAngola.
Kapi lyakara asi evango lyokudingura vanayirongo velike, ava ava kara asi velike ava mono uwa ou, nye vatungimo mosirongo nawo kukadingura evango eli vakatare mema omu aga mbarumuka gayasike ogu gana tamba. Vatungimo unene vatunga komuzogo gosirongo, unene kuza koRuacana siruwo sepwizumuko ndi asi soyilika yoyinene ngwendi Christmas, apa azipata sure, ntani kwakara nye evango eli ava lifanayikire nsene kuna kara nomakwereko. Mema aga agapiti opo kwaninkisa nye Nampower agusepo rutjeno omu avaruruganesa nono 347 megawatts. Mokukwama nye age Shintama, mema ogo kwakara nye mepitisiro lyoparudi rovaUukwaluudhi makura kuligendesa rudi rovaHimba . ‘’ Komazuva nye gakapita, muhoko nye govaHimba, awo ngavagwanenemo mauwa mevango eli, unene posiruwo soyilika yokulisiga siga. Paupolitika makura vayaturako darate ano ogu ana kuhwiliramo gahepa kufuta N$10 pomuntu mundinda gwendi.
‘’Ndango zovakansela zapurako nombunga dokulisiga siga asi ngano varuganene kumwe vagwane yimaliwa nokuwapukurura evango eli moomu tupu lyakere nare.
Age kahuguvaresere asi conversancy ntani mema opo aga pitire vahepa kuyiwapukurura apa nye ngava kara asi vana gwana yimaliwa yina gwanene. -fhamalwa@nepc.com.na