Auleria Wakudumo 

Oiningwanima i kumwifi ya yooloka ya twaalela eemwenyo dovakwashiwana dili 14 mexuliloshivike, oya kwatela mo osho shomusamane a dipaa omukulukadi waye moipafi younona vavo, nokulemaneka po kamwe. 

Oshiningwanima eshi shomahepekafano omomaumbo, shinyemateka osha ningilwa molukanda Greenwell Matongo moWindhoek omo omulumenhu wedina David Alweendo weedula 53 a yasha nokudipaa omukulukadi waye Elizabeth Alweendo weedula 43 omanga ina taalelifa ondjebo kuye mwene. 

Oshiima eshi osha ningilwa meumbo lavo lwopotundi 01h30 youfiku. Omupopiliko wopolifi Deputy Commissioner Kauna Shikwambi okwa koleka olopota ei, ta ti okamonakadona keedula 18 okwa yashwa pefimbo ovadali vali tava kondjele ondjebo. Vati okaana oka li monduda nokamwainamati eshi ka uda ina teka ifana. 

Eshi vati ka ya oka hanga ina naxe veli poshivelo shonduda, naxe okuna vati ondjebo meke laye. 

Xe vati mokumona omona okwe mu undula omanga ina ta kendabala okukufa ko vati ondjebo. Ova kondjela vati ondjebo oyo fiyo omonduda yokukala omutumba. 

Omonakadona vati okwa uda ashike ondjebo ya topa nokumona kutya okwa yashwa mokuulu manga eli kepata. 

“Okweli kokela monduda yaye ndele ta dengele ina mumwaina waina nokonima okwa uda vali ondjebo onhivali ya topa monduda yovakulunhu vaye,” opolifi tai holola. 

Eshi a katala vati okwa hanga xe a nangala mekungu lohonde kombete omanga ina eli mekungu lohonde medu. 

Ovalihomboli ava ova hangika va xulifa nale eshi opolifi ya fika poshiningwanima. 

Opolifi oya holola yo kutya osheetifi sheenamanana inashi shiivika natango. 

Oshiningwanima shikwao, okaana kokamati keedula 10 okeli twa ina a xulifa eshi vati ali ta kendabala okulinyukumwina. 

Eshi osha ningilwa mokamba yeenhauki mOsire mOtjiwarongo, Osoondaxa lwopo 05h30 lwaapo. 

Nakufya okwa tongololwa kutya omukwashiwana waCongo weedula 40. 

Otaku hokololwa omukainhu ou ali ena eshikisha nokwali ta kendabala okulitwimikila kefiya la longwa meumbo hali ifanwa Mbaula eshi vati a pya moshipala nokoitukulwa imwe yolutu. 

Kakele kaava, opolifi oya holola yo kutya ovanhu vanhe ova xulifa eshi vati va tuwa neembele moiningwanima ya yooloka. 

Topnaar Immanuel weedula 25 okwa xulifa eshi a tuwa nombele momupolo noBlock E, Rehoboth Olomakaya lwopo 02h00 no 07h00 yokeengulasha lwaapo. 

Omanga Jariretundu Uanivi weedula 31 a xulifa eshi a tuwa nombele kukaume kaye vati molwa omalodu moFreedom Square moKatutura Olomakaya lwopo 01h00. 

Hilya Tobias weedula 64 naye okwa xulifa eshi a tuwa noshitandu shekende vat i momutwe omanga eli omutumba pondje yokandingosho. 

Eshi osha ningilwa molukanda Onamunkoti mOkahao, Etitano lwopo 14h00. 

Tjijandeua Herunga weedula 29 okweli tuwa kovaenda namadi a nyongama nokwa hangwa vati a tetwa momutwe nokomulungu Etitano molukanda Ozohambo mOtjinene. 

Sheli kolelela kolopota yopolifi, ovanhu vavali ova hangwa veli mangeleka mexuliloshivike. 

Nestory Nghikundivali weedula 28 okweli tuwa elimangelekela moixwa. 

Ngh ikund ivali okwal i omuhongifikola kosekundefikola yaEenhana moshitukulwa shaHangwena. 

Otaku hokololwa yooTulinasho Stephanus eli tuwa a xulifa molukanda laGoreangab moWindhoek. 

Opolifi oya lopota yoo ovanhu vanhe va xulifa moshiponga shotuwa momukunda Efidi mOndobe moshitukulwa shaHnagwena. 

-wakudumoauleria@gmail.com