Lahja Nashuuta

Iilongo hangano ta yi ungaunga niimeno niikwakuti muuyuni oya tindi eyindilo lya Namibia opo oshilongo shi pitikwe okulanditha omayego goominda noondjamba kondje yoshilongo.

 Eyindilo ndjono olya li lya gandja kepangelo koshigongi shinasha nesiloshipwiyu lyiimeno niikwakuti lya tseyika nawa nedhina Convension to international Trade in Endangered Species (CITIES) shono shali sha gogala ko Samarkand , Uzbekistan oshiwike sha zako.

Namibia okwali a indile opo a pitikwe oku landitha omayego ngeeminda neendjaba kondje yoshilongo.

Pamushangwa ngono wa li wa ganywa kiilongo hangano oku zilila muuministry womatalele po nomapashiono, otaku hokololwa nokuli wa li oshikundathanwa oshiti 13.

Epangelo olya li lya holola kutya omwaalu gwiiyamakuti mbika ongwa pumbwa okushuna pevi, omolwashoka ngashingeyi oyili tayi vundakaneke nokulipuma mumwe nanafaalama mboka yeli popepi noikunino yoinamwenyo ei moka ya sikililwa.  Namibia okwali a landitha omayengo giiyamakuti momunvo 1985 noshowo mo 1999 nolwa hugunina 2008 ko Japan noshowo China.

Uuministry owa hokolola kutya elanditho lya li la ninge a onvula dha piti olali lazi oshimaliwa oshi wanawa shono shali sha tulwa moshiketha shiniwe negameno lyiiyamakuti mono hamu zi iimaliwa yokufuta anafaalama mboka ta ya ningilwa uushadha keendjamba niiyamakuliti ya kwalu kehe.

Omwaalu wiyamakuti mbika iyali ota gu indjipala noonkondo no togu tengenekwa ngashingeyi nguli nokuli  po 25 664.

Shiikwatelela keyindilo lyono lya ngandja komutumba okuzilila kuministry wonkalo nawa nomatalelopo, epangelo olya hololo kutya ngashingeyi oshilongo oshi na omwaalu womayego geeminda noondjamba dho kilo 46 000.

Epangelo ta li yelitha wo kutya omayego ngaka ogali ga gongelwa okuza kiiyamakuti mbyoka ya si koshikukuta  noshowo piiponga yopaushitwa ngaashi omulilo nowo omikithi dhilili nodhiili. 

– lnashuuta@nepc.com.na