Mukurona gosirongo yige kazegwilire mbongarero zana venye sikando sautano mosinema saune nkera kositenguko. Kutunda melima lina mwa Sindimba vahameni moparliamente kwazire ke pwizumuko dogoro ngesi tava kazi zegurura paveta.Kutwara mongendeseso nomEdiveta lyo sirongo esi. Asi nsene vanazi kepwizumuko vahepa kuzizegurura paveta yipo zitwikire noyirugana yazo.Yiturwapo veta ngwendi veta zovarugani, zomutero, zomahudi gomononzira, zelirongo, zomarutyeno yiyo yiturwapoveta vana kundindira mokukayitarurura mosinema esi. Ruha Romapukururo nonoRadio mo ndango zanavenye karudivisire asi ezegururo mbongarero zana venye eli kuna kulitura pampepo moomu yina kuhoroka posiruwo sooso kono TV, nokono Radio. kutundilira povili zo zimwe.Vagenda ndi varekerwa kuna kuva hundira mokuhwilira monda zetungo siruwo oso mukurona gosirongo gahana kuyasika.Ruha romapukururo karudivisire hena asi nonzira dimwe kadizedilire kutunda povili zomurongo nambali (12-h00) kovakungi veyiyononzira.Nonzira ngwendi zaRobert Mugabe, sitarata zaLindeguist, zaDaniel Munamava nositarata za Luderitz nositarata za Fidel Castrol ntani pokatji ka Robert Mugabe na Dr Sam Nuyoma.