Kalimbeza- Projeka zorise zakara momukunda gwaZambezi kuna kara momukaro dona omu vantu vana kuvakamo nokuzonagura yiruganesio yamo, ano ministeragona gonondima Ruth Masake kahundilire vatungimo asi vahepa kutambura asi evango eli noyiweka yamo vahepa kuyitambura asi yepangero ntani nawo yawo kumwe nye nokuyikunga. 

Posiruwo oso kakere nomudingu Masake, kahundilire vatungimo asi vahepa kukeverera emona lyepangero asi lyawo, omu nye vana kuzonagwisa elikwamo lyepangero unene mokuvaka nosolar ntani yokutekeresa kuna kara elikwamo lyedona mokuretesapo yirugana ntani nondja nado moudigu dina kara. ‘’ Twahepa kukara nomukaro gwina asi eyi yange. Nkenye ekuliko lina kureta epangero twahepa kuyidiva asi yetu.’’ Yimo ana kutanta. Ezonaguro kapi lina kara asi yiweka tupu yina zonauka nye nopasimaliwa yina gumuko. Mokukwama vana mberewa nosolar ntazimwe vahovere kuvaka kwapura yimaliwa yokusika kjo N$39 480 ano nye kweyi kavaveke sinkwa ntani kuna kupura yimaliwa yokusika ko N$58 000 eyi nye yina kutwaredera yeyi vana zumbanesa mulyo gwayo gusike ko N$100 000. 

Mokutura nye nayinye asi kapi yina wapa, omu nye kavayazonagwire darate ezi vaturako, omu nye yakara asi azo kwazitulirako asi nongombe dahapita nampili nakauke diyazonagure rise(roso) ngesi kuna kupura nye silinga zokusika ko N$40 000 vaziwapayike. Ezonaguro lyangesi kuna kara asi ezumbaneso kepangero makura kuna kureta nye woma koprojeka. ‘’ Nsene opata projeka ezi ose ngoso kuna pata yirugana yoyinzi Masake yimo ana kuvarondora ngoso. Nsene kapi ono kulizuvha asi eyi yoge, kapi nina kumona asi ngapi nomuyigendesa eyi. Patrick Kompeli, ogu ana kara asi mugendesi gwaKalimbeza projek, kageve runyegenyo rwendi omu vana kuvaka ntani ewapukururo vana kurugana. Awo yiyo kavakatengwire hena vayagusepo ne. ose kukaretako hena dimwe,’’ yimo ana kutanta ngoso Kompeli. -anakale@nepc.com.na