Victoria Immanuel 

Munafarama gakara nonkenda aruganene una farama wendi poEtunda momukunda gwaOmusati kayimwene asi gahepa kugavako kovantu womomukunda nye yize tupu nye kovanadorongo novanasure 100 makovi, koOshifo sasiyona zovaporosi, kovanadorongo, 50 makovi koWisdom Private school zakara momukunda gwaOkapika. 

Maria Ashipala mwenya evango ogu ayizangura poEtunda. Apa nye kahuyungire kosayitunga zaNewEra, katente asi kugonona kuwoko kwendi kuna kutundilira omu gahara nkarapamwe ntani muhoko mosirongo. Age kuna kugava rupandu rwendi kepangero omu vagava evhu kovantu vana faramagona ngwendi momu ana kara age, nokutanta asi eyi yavatera vantu wovanzi omu navalivatera vene. Nampili ngomu ana kara asi age kwakurugana nawa kofarama zendi evango lyomarandesero kuna kara udigu. ‘’ Siruwo nasinye, ame kurandesa muzangu gwange kovantu tupu ndi asi mompongasano ntani nomavango nye aga gakara pepi. Ame kuna kugazara asi kuvhura kuzangura yoyinzi ntani nikuteko varugani wovanzi,yimo ana kutanta. Mukurona giovaporosi momukunda Omusati Ismael Basson kapandwire Ashipala, omu ana kara negano lyokupako vantu eyi azangura. Bassoon kagwedereko asi uhwi wangesi kuna kulikida ukumwe ntani nkenda konkarapamwe zetu. 

‘’ Ame nina yihuguvara asi uhwi ou niyigava magano kovanafarama vamwe nawo varugane yokulifana. Leena Reinhold, mukurona sure gosure zaWisdom Private school, kageve ruhafo rwendi kwaAshipala, kouhwi ou ana gava, nokudidilika asi eyi kuna kara yomutaro, morwa nayireta erunduruko kosure. Age kapandwire Ashipala asi ngundi zetu vakawawo vana farama vaguseko sihonena. -vkaapanda@nepc.com.na