Lot Shikongo
!NANIÅAUS – !NaniÅaus hîa Kunene ÅKharib !nâ ǂnôas di Åhûhâsib Ågoresa ǁnâu-amhe tsîn ge Åasa kliniks tsî ǂurusib !oabadi !khaib tsîna go hō. Nē Åhûhâsib ge kaise gaxuse nē !nae!khaisa go !âu hâ i tsî ganganxa ǂgaogu tsî !gâiaǂgaob Åkha nēsa go !khō!oa. Nē ǂurusib !khaib ge Namibiab ǂHanub xa N$13 miljuns ǁkhāsib maris Åkha omhe hâ tsî Ågūǁae Kuneneb ÅKharisi Mûǂamaob Marius Sheyab xa !Nakaǂnôa Ministers ǂUrusib tsî ÅHûhâsi !Oabadi dis, Juliet Kavetunasa ǂnûǁkhaeba hâse ǂhanusise ge Åhui-amhe. Nē senters hîa Ånai !nona !nādi kōse tenders âsa ǂhaitsise ge māǂuihe hâ is, ai!â ge hâ i omaob di mîmâisa dīÅoaÅoa tama is !aromas ge nēsis go a toa soab ai sao ra Åhûhâsiga nî !oaba ǂgaiÅons ai !NaniÅaus, Purros, Otjikondavirongos tsî Palmwags hâde. Nē ǂhanusi ǁkhowa-ams ǁaxasib tawab ge Sheyaba Å ǂhanub di ǁguiǂgāsens !oabade Åhûhâsigu tawa Åkhī-ūs, mâtikōse iga a !garo!ā !NaniÅaus khamis tsînas disa gere ÅgomÅgom!gao.
Sheyab ge Åhûhâsib khoena ge ǂgan in Åoasase nē kliniksa sîsenū, !ûi!gâ tsî hoaǁae !gôasiba nēpa nî sîsenxa Åae!khō-aona mā. Mûǂamaob ge Ågaisase ǁîb ǂkhîo!nâsiba ǁgâiǂui tsî gere mî, Ågaisa ǁgoaǂuis hîa Kunene Åkharib !nâ Åae!khōs !oabadi ǂnamipe ra hōhes, mâtikō ǂgui !nāden HIVs di soÅôana ra ā khoen tsî ÅHaiǁuib Åae-aon tsîna xu ra hōsa ǁîn di soÅôan tsî pelnan ra ǁnā!gâ tsî ǁaegu ai xawa tsî ā tama ra īsa. “Tita ge kai !gam!gamsens Åkha Åkhomasa !hao!nāsi ǂgaeǂgui-aon nē Åhûhâsib din ai ra dī, in nē Åae-aon Åkha Ågaisase !hoa tsî ǂgaoǂgao!nâ in soÅôan hîan nî mîǁguisase āna tā ǁnā!gâ, nēs Åaeb Åguiba hui tama xawe ǂanapega ǁkhaehe ǁkhān a hîa ra hâ ǁōn tsîna ǁkhae ǁkhā xui-ao,” tib ge ge mî. Nē ǂurusib !khaib hîa Ågôahōs khao!gâ ra ǁgoe!nâhe sali, ǁōhân sorodi !khai!khai!nâ!khaib, soÅôan!khaib tsî sîsenaon hâ!khaib tsîna !khōǂgā hâb ge kai huib ase ī nē khoen nēsi ǁaupexa 150 kilometerga Opuwos ǂHanusi ÅAeǁgâub ǁga !narisa ra ǁaraǂui amaga. !NaniÅaus hîa Kuneneb !khawagas huriǂoas Åkhāb ai ǂnôas ge ǁaupexa 4 000 ǁanǂgāsabena ūhâ.
New Era: Wednesday 12 September 2018
PAGE: 4