Kumufala wopolifi moshitukulwa s h a M u s a t i C o m m i s s i o n e r Ismael Basson okwa ti fiyo opapa ka pena omufekelwa a kwatwa po mekwatafano leteyo kosekundofikola Onawa Secondary School.
Otai indile moshiwana kwau e na ouyelele opo shi kale sha lopotela opolifi keshe ili popepi opo ovafekelwa va kale va kwatwa po diva.
Basson okwa ti opolifi itai ka popya edina lomunhu ta ka yandja ouyelele onghee oshiwana na shi kale sha mangaluku okuyandja ouyelele.
Oshivike sha djako ofikola Onawa oya ponokelwa kookalyamupombo va hamano vovalumenhu ndele tava vake mo eeLaptop mbali nokakefa koimaliwa mu na N$50 000 nokufaduka po.
Oshiningwanima eshi okwa li sha ningwa efimbo lokeengulasha lwopotundi 03h00.
Vati ovafekelwa ova nhukila omukeleli womaliko noku mu ningila omatilifo ve kwete eendjebo neembele.
Okudja opo vati ovafekelwa ova manga omukeleli womaliko neengodi komaulu nokomwooko, nokonima ove mu tutumbila mombelewa yofikola.
Opolifi oya hokolola tai ti ovafekelwa ova taya omuvelo wombelewa ndele tava kufa mo omaliko ofikola nokufaduka po.
Vati omukeleli womaliko okwa fiwa mombelewa e li meemhango konima eshi ovafekelwa va mana okuvaka.
Lwopotundi 05h00 eshi vati omukeleli womaliko umwe e uya koilonga opo a tameke oshikofa yomutenya okwa hanga mukwao ehe mo monduda omu hava kala.
Okwa ya ta ende auka kombelewa yofikola ta lilifa eengalo kongodi yaye yopeke.
Vati manga ta ende pombelewa okwa uda omunhu e li mombelewa ta ingida nokonima okwa ya mo nokuhanga mukwao e li mombelewa meemhango.
Basson okwa weda po ta ti osha fimana ngeenge oshiwana tashi longele kumwe nopolifi mokuyandja ouyelele kombinga yoimbulu shaashi eshi otashi kwafele opolifi i kale ya kwatwa po ovafekelwa diva.
fhamalwa@nepc.com.na