ONAMBANGO– Presidente Hage Geimgob okwa li a talele po uuwa waNdonga nokutalela po omukwaniilwa Fillemon Shuumbwa Nangolo mOnambango moshitopolwa shaShana mOlyomakaya. Shika osho oshikando shotango president Geingob a talela po uuwa sho omukwaniilwa Nangolo a lalekwa muJuni 2019. Ta popi pethimbo lyetalelopo, Geingob okwa ti osheendo she, shoka sha li sha kwatela mo omupevipresidente Nangolo Mbumba nomuprima Saara Kuugongelwa Amadhila oshe ya kOnambango okuhalela Omukwaniilwa Nangolo omahaleloyambeko osho wo oku mu halela ompolo onga omuleli omupe gwOndonga. Geingob okwa li wo a longitha ompito ndjoka a pule Aanamibia ayehe ya kale nuukumwe osho wo okusimaneka omithigululwakalo.
Ta popi wo kutya okwa inekela kutya Nangolo ota ka lela Ondonga nawa ngaashi a kala metanga lyegameno. Nangolo naye okwa li e na iitya nomatumbulo omawanawa nokwa ti etalelopo lyaGeingob okwe li taamba ko nokwa pula a tsikile nokulela oshilongo muukumwe ye na kale e li ohanda naamboka taye ya kombelewa ye noohapu dhiifundja.
Nangolo okwa li a ti okwa hala okulyata moonpadhi dhayinakulu, Immanuel Kalumua Elifas ngoka a ka lala nale ngoka a lele Ondonga nawa nokwa kaleke omaipumomumwe pokati kelelo lyopamuthiguilulkwakalo nepangelo kokule.
Omalelelo gOukwanyama, Ombadja, Ombalantu, Uukwambi noOngandjera oga li ga kalelwa po wo mpaka.