Omulumentu gomimvo 43 okwa si sho a gu nohauto mondjila tayi ithanwa Etemba, sho kwa li a nyengwa oku yi pangela.
Sha ikwatelela kepeko lyopolisi yiiningwanima hayi holoka mehuliloshiwike, omulumentu ngoka okwa li a gu nohauto, nokusa sho kwa li ya gu ko kopate nokugalangata.
Otaku hokololwa kutya oshingwanima shoka osha holoka Osoondaha lwopotundi 17h00 moshitopolwa shErongo, momudhingoloko gOmaruru.
Opolisi oya ti, omulumentu ngoka oye kwa li ta hingi, okwa li pamwe naafaalelwa ye li yatatu mboka kwa li ya mono oshiponga nokwa li ya ka mona uuhaku koshipangelo shOmaruru.
Tayi ti, kape na uuyelele kutya oshike sha eta oshiponga shoka.
– vkaapanda@nepc.com.na