RUNDU Omunapolotika Petrina Haingura okwa hogololwa Amushanga omupe gwEwawa lyOomeme yOngundu yoSwapo (Swapo Party Women Council -SPWC) sho a dhenge mo Eunice Iipinge ngoka a kala amushanga. Haingura okwa likola omawi 244 pokongressa onti-5 yoSPWC mpoka Iipinge e shi pondola ashike okumona omawi 188 pokongressa ndjoka ya gongalele moRundu ehuliloshiwike lya zi ko. Pokongressa ndjoka opwa li iikonga yokukonga aayambidhidhi ya kwata miiti, naashi okongressa ya tameke mEtitano ndyoka ongula, Iipinge okwa li ta monika e li moshipundi sho iitopolwa iheyali yomiitopolwa 13 ya uvaneke oku mu yambidhidha. Molwashoka oye a li amushanga pethimbo ndyoka, okwa kala ta yambidhidhwa konyala okuza miitopolwa ngaashi Khomas, Caprivi, Ohangwena, Oshikoto, Karas, Erongo nOshana. Opwa li wo omainyengo kutya Iipinge ota yambidhidhwa wo kaakalelipo yamwe okuza moshitopolwa shaKavango, Karas naHardap. Oompito dhaHaingura ngoka eyambidhidho lye kwa li tali imonikila okuza mOmusati, Kavango naKunene kalya li tali monika lya kola. Kakele, sho aanamadhina mopolitika ya thiki moRundu nokuya moonkundathana naakuthimbinga mokongressa okuza miitopolwa yayooloka, eyambidhidho lyIipinge olya tameke okunkundipala. Ominista yUuthikepamwe yOpaukakwashike-ko-kantu nOnkalonawa yAanona, Marlene Mungunda, naNgavena gwaHardap, Katrina Hanse oya kala nenwethomo kaanashigongi mboka ya za miitopolwa shaHarda naKaras. Naashika osho sha talika kutya osha etitha Haingura a likole omawi ogendji. Omupeha gwaMungunda, Angelika Muharukua naye okwa nkondopaleke wo eyambidhidho lyaHaingura okuza moshitopolwa shaKunene, omanga Ominista yUuyuuki Pendukeni Iivula-Ithana naNgoloneya gwaKhomas, Sophia Shaningwa ya kala mekwatathano enene nosheendo okuza kOmusati noKhomas. Oshitopolwa shoka tashi monika sha ka etha po eyambidhidho lyasho kwIipinge lwahugunina osho oCaprivi. Oshitopolwa moka Ellen Musialela a li gumwe gomosheendo okuza koshitopolwa shoka sha uvaneke okuyambidhidha Iipinge oshoka Musialela okwa tindi okuyambidhidha okandidate (Haingura) nokwa li ta yambidhidha kwIivula-Ithana. Aanashigongi yamwe okuza koCaprivi otaya ti Musialela natango ota gandja ombedhi kwIivula-Ithana sho a kanitha ompito ye yUuhamushanga woSPWC. Musialela okwa li e wete olyo ethimbo ewanawa kuye okuyambidhidha Iivula-Ithana mokukondjitha Haingura mokati kaanashigongi okuza moshitopolwa shaCaprivi. Kakele aanashigongi yamwe oya ka tokola ye mu yambidhidhe nekondjithathano naDoreen Sioka ngoka wo a yambukile moshitopolwa shoka nokwa li omuyambidhidhi gwaHaingura. Okongressa oya hogolola wo iilyo yongundumutima yoSPWC ngaashi taya landula mpaka nomawi ngoka ya mona: Netumbo Nandi-Ndaitwa 276, Pendukeni Iivula-Iithana 265, Petrina Haingura 254, Rosalia Nghidinwa 235, Loide Kasingo 234, Loine Geingos 232, Eunice Iipinge 223, Linea Sheatonhodi 222, Michael HÃÆ’Æ‘Æ‘ÃÆ”šÃ‚¼bsche 199, Doreen Sioka 195, Muetulamba Haipinge 188, Kauna Nashandi 186, Selma Gases-Angombe 185, Lucia Hamutenya 184, Marlene Mungunda 184, Margeth Mensah-Williams 183, Ruth Nhinda 179, Hileni Iilonga 174, Angelika Muharukua 172, Mildred Janties 159, Ndahafa Nghifindaka 157, Clara Bohitile 156, Rebeka Iipinge 155, Rebeka Kalola 147, Emilia Amupewa 146, Lucia Basson 146, Veronika Naingwadja 146, Helena Tonata Shipena 145, Laura Mcleod 144, Ruusa Kayoo 136, Sylvia Shuumbwa 135, Liina Namupala 134, Hilda Haipinge 133, Canner Kalimba 129, Susana Nghidinwa 129,