RUNDU – Mapokola mwasikiliti sa Kavango ya Upa basweli kubatisisa sene si tisize mulilo one u ezahezi mwa lihola za mapakela, Labune, kwa Khuta ya Sikiliti ya Rundu mwa ofesi mone kubulukwa bupaki. Mulilo nosinyize kaufela zene lili mwa ofesi.

“Taba ya kucisa nekwaluzwi, mi babatisisi baluna neba lemusizwe mi bakataha kuzwa kwa Windoko, hakuna ya tamilwe kono ku akalezwa kuli mulilo notumbuzwi ki mutu. 

Lihaulo neli tubilwe kono halukoni kutalusa sinyehelo luli kakuli lipatisiso lisa zwelapili, mapampili kaufela ane ali mwa ofesi nasinyehile,” nekubulezi muzamaisi wa litaba za bubangoki, mwa sikiliti sa Kavango ya Upa Bonifatius Kanyetu.

New Era nelemuhile kuli khuta haina makamera kwande wa muyaho, mi maboni aliteñi hakenisi hande ili kutalusa kuli muyaho ne uli mwa lififi. 

Kuna ni malonda bababeli ba bakantelanga khuta, kono hakuna zene ba boni konji liseli la mulilo kuzwelela mwahali. Ofesi yebona za mulao ni yona ne nitifalize taba ya mulilo.

“Kezahalo yeo itisize sinyehelo yetuna kwa muyaho, sihulu ofesi ya kamaiso ni ofesi yebona za bubangoki, mokubulukwa mapampili amizeko ya kazazi,” nekubaleha sitatimende sene si hatisizwe Labune. 

Ofesi ya mulao ne ize kanako ya cwale, sene sitisize mulilo hasi zibahali, mi basa libelezi lipatisiso.
“Mihato isweli kungiwa kubona kuli bupaki bwa khuta bwa liululwa nikubona kuli habulatehi kuya kuile. 

Ofesi ya mulao inyaza likezo zene ezizwe kapa neli kakulata kapa kabomu ze beya buiketo ni buiswalo bwa likatulo za khuta mwa kozi,” sitatimende nesi bulezi.

Ofesi ya mulao nebulezi hape kuli nihane kubile ni mulilo ofesi isiala itamile kubukeleza likatulo sakata, kuzwisezapata kamaiso ya mulao. 

Ni kufukuza lisitataliso kwa misebezi ya khuta mi zeñwi lika fitiswa bupaki habuka fumaneha. 

Sicaba si elezwa kusa hasanya lika zesika patalazwa lipatisiso hali zwelapili.