Xoa-aob: Professor Yang Ganfub
Chinese ǂkhoamîs ge ra mî “kurib !aromats nî ǀaweǁguis ka, o raisiba !hana; disi kurigu ǀaweǁguibats nî dīs ka, o haina ǂgā; ûikurigu ǀaweǁguibats nî dīs ka, o khoena ǁgau!nâsa mā”. Nē ǂkhoamîs ge !gāsase īsiba ra mâi-ai!â da ǁgau!nâs Chinese !hūb !nâ mâ !haros ai a mâisa !khaisa tsî ǁgau!nâs !nâ ǁguirisa ǁîs hoan xa a danase ra !gawaǀîhe tsî hoan xa ǀgapi !haros ai a mâisasa.
ǁGûn !aromas ge, ǀgôan ân di ǁkhā-khā ǁguirisa a dana ǂâiǂhansen, tsîn ge ǁnā-amaga Chinese ǁgûna ǀunin ūhâ marisa ǀgôan ǁkhāǁkhāsens !aroma nî māǂui -ǁîn ga ǁgûn ase nēsi !â tsî a ǀōǀkhā xawe. ǁGûn ge ra ǁgūba ǀgôan di ǁkhāǁ-khākhâis !nâ nî hâ ǁkhoregu tsî ǂhâsiga, nēsib ga ǂam ǂam skolǀgôas, ǀgapi skoli ai hâs tamas ka io universitaits ai hâ students hoasa. Nē tanisenǀgaub Chinese ǁgûn dib ǁgau!nâs !oagub ge !nāsa namibiaǁîn ǀkhats kara kōǀhao, o ǀgaisase ra mâ!oagu.
ǂGui Namibiaǁî ǁgûn ge noxopa ǁgau!nâs di ǂhâǂhâsasiba !gâise tsî ǂhanuse ǁnâu!ā tama hâ. !Nāsa !âb ge noxopa Xrat 12s kōse ǀgui ǁkhāǁ-khāsensa ra mû tsî !aruǀîn ga ǀgôana ǁkhā-ǁkhāsen, aitsama mâbasen tsî !hūb tsî ǁîb di ǁangāsaben di omkhâis !nâ ǀguitsē !â-e a ǀhurusa. Hâ a !khais ge ǂkhawusa marisi khao!hūgu tsî supu ǂâixasib !nāsa !âba nēpa ra ǀhurusa, xawen ge tā ǁgûna nî ǀuru nē ǀgôan di !ereams ǁîn di !hōdi ai ǁgoesa mâtib ga mâsiba a ī xawe, tsî ǁnā-amaga tā ǀûsen tsî nî ǁgoe tsî ǀunis kōse ǁîn ôan di ai!gûsa nî !khamba.
ǁGau!nâs !nâ ǁguiris ge ǂhanub nî tare-e mās ai ǀgui hâ tama hâ, xawe ǀguiǀguibe khoe-i di -khoreb tsî tanisens -ǁx-e ǁkhāǁkhāsensa !khō!oabasensa xus tsîna hâ. Ti !ereams kurikorobe ǂganamsende !khō!oas ǁkhā-khāsen ǂgao ra studentna marisihuiba mās dis, Chinese Loving Heart ǂNûiǂgās ǀkhāba xus, !aroma da tita ūhâ ǂgaoǀkhādi di ǀguis studentna xu ra ta ra !âubasens ge ‘ǁî-i di tanisens tsî ǁkhoreb’ ǁnā-i nî sī ǁkhāǁkhāsen!nâ !harib !oagu-i ūhâba. ǁGau!nâs ge marisa ra ǂgan, xawe ǁaetama-isib tsîna ǁkhās ǁkhāsa. Hoada a anses ge ǁgau!nâsa emersa ǀoaǀoa tamasa xawe ǀaesa !amambasensa.
Chinese ǀhûhâsib hîa Namibiab !nâ hâb ge !gâi aiǁgaus ǀaesa !amams ǁgau!nâs di ǂhâhâsasib ǂnamipe hâsa Namibiab !nâ ge mā, Chinese ǂhanub, ǂnûiǂgādi tsî guiguibe khoen ge ǀgaisase ǁgau!nâs !nâ a ǁguirise, aiǁgause skolga ǂnuwis, ǁkhāǁkhāsendi !aroma marisihuiga mās tsî ǁkhāǁkhās tsî -ǁkhāǁkhāsens ǂnamipe ǂhâbasa huisenxūna mās !nâ-ū. !Nāsa ǂkhamkhoen ge nēsisa ǁîn ǁkhāǁkhāsens ai ǂâisa ra ǂnûi tsî turab tsî ǁkhoreb !aruî ǁkhā-khāsens diba ūhâ. Nēti ī ǂkhamkhoen nî ǀguitsē Namibiaba ǂgaeǂguis kara, ob ge !hūba !gâi !omgu !nâ a hâ ǁkhā.
Chinese ǀhûhâsib ge nî ai!gû Namibiab ǀgôan di ǁgau!nâs !nâ ǁguiris ǀkha, ǂgui ǀae-!amamaon daob !nâ !gôaxa !khais ra !gāsa amaga.