I Kae MaÞunÿu-Tjiparuro
OTJOMUISE-Kombunda yohaøi motjiwaøa tjOvaherero nOvambanderu ohunga nomayamberero wa Kahandja ndayetua iyomarundururiro womuriro pokomando Oitjavari yErapi rOtjiserandu mOkahandja mo 2011, kapena ongahukiro kutja omayuva womasuviro inga otjiwaøa matjii kOkahandja moutjikumutundu noumbomba watjo okukayambera.
Nandarire kutja pangarere penonÿuvasaneno pokati kovimbumba vivari viotjiwaøa ndjapitire motjiposa mOtjombanguriro tjOkombanda tja Tjomuise, ngunda mapemunika nokunuka ayo ovimbimba aviyevari imbi kaviyauta oknukasana, okuhaama pamue nokutiasana okuhungirira kondjira komurungu otja konÿuvasaneno indji nu munao otja komazuvira ngumayepiti momurari wondjivisiro weraka rOtjiherero wo Namibian Broadcasting Corporation (NBC) mapemunika ayo omundu auhe kuye omuini.
Ombura ndjazuko mu Katjose ouhonapare wa Maharero otjiwahitisa otjiposa tjomuriro pokomando indji owo mbuari koutjiro naurundururirua koutokero wokomando indji. Momangiriro wawo kotjombanguriro ouhonapre imbui aa uzeri kutja kutja Erapi Rotjiserandu, Ismael Kamuhapita na Abisai Mungendje, ngavetjivisiwe kutja omutjite womaningiriro inga, mburi Ouhonapare wOmbazu wOtjimaharero, watanda okutjita omaningiriro kotjombanguriro ihi kutja ™omutjite womaningiriro unousemba kourike we okuyakisa nokukara nokuruwo poruveze ndumarutjiukua otjOkomando nduri motjihuro tja Kahandja.∫
Komurungu ™omutjite womaningiriro unousemba kourike we omuini woruveze ndumarutjiukua otjOkomando nu nduri motjihuro tja Kahandja ombura aihe omayuva womasuviro popezu tjinene, komurungu poo kombunda yatjiyeri 23 ku Katjose mondando yokuzemburuka ovakuru vOtjimaharero.∫ Munao imba mbasere okuzirira kotjina ihi otjimaveraewa nokutieua ™okuiisapo okuruwo kukua sembamisiwa iyOruzo rue Sembi poruveze ndumariheewa indui∫ nu wina ™okuzako kokuungurisa poo okukara poruveze ndumaruheewa indui omayuva womasuviro popezu tjinene komurungu poo kombunda ya tjiyeri 23 ku Katjose nokuhina ondiasaneno yomutjite womaningiriro.∫
Posia otjiposa ihi koruseinina tjitjasere okuhaama mOtjombanguriro tjOkoambanda tja Tjomuise tjiayari 24 ku Ngarano ombura indji, ovimbumba imbi aviyevari kombunda yomayuva yevari wondiasaneno okutuurungira mozohahende viavio, otjiviejere konÿuvasaneno ndjaririsirue eraa rotjombanguriro itji yomayuva tjiyari 24 ku Ngarano ombura indji. Otja konÿuvasaneno indji omuriro imbui pokomando wasere okuyaruka puukara koutjiro wondjuwo yokomando indji. ™Omuningire (Ouhonapare wOmbazu wa Maharero) mauyakisa okuruwo Oritjatano indi romayuva womasuviro womayambero wErapi rOtjiserandu nu omuriro imbui mauyaka nganduu oviÞukahuka via Sondaha romayambero. Omuningire mayakisa omuriro imbui otja kozombazu nozongaro okuyandjera omaungurisiro wawo komaravaerero kovaÞi novakuru okuvetjivisa omayambero, novitjitua viarue viombazu otja tjeri ohepero nawina okutjivisa ovanarupa momayamberero kovaÞi novakuru,∫ onÿuvasaneno indji mairese nao.
Kapena omundu ngumarundurura omuriro imbui pendje nomuningire, mburi Ouhonapare wa Maharero poo omuhindua wawo. Komurungu otupa atuyevari itui tuazuvasana kutja Otjiserandu okutuurungira mo Komando tjayo Ondenga ya Kahandja otjimatjikara nomerizirira wokusembamisa omayambero wOtjiserandu ngekarako ombura aihe mu Katjose nowo mauso okutjita nao nondiero punovanarupa nonÿero avehe mumuna Ouhonapare wOmbazu wa Maharero nu kukuhei owo auyerikje otja kozombazu nozongaro zomayambero nÿaripo komurungu wa Katjose mo 2011.
Oritjatatu ozondangere kehi yOuvara wa Maharero otjizaire kOkahandja okukayarura omuriro puukara. Kutja mokutjita nao watiasanene nOkomando Ondenga yOtjiserandu ya Kahandja otja tjipasere okukara otja konduvasaneno kapne ongakukiro. Tjinene tjinga otja konduvasaneno indji omuriro imbui awasere okuyaka okuza metukuhuka ra Ritjatano nganduu Osondaha muhukomenene.
Ngunda aperi nao Otjiserandu tja Kahandja kehi yOkomando Ondenga tjazirire korutuu kozombuze okuza kOuhonapare wa Maharero Oritjavari. Morutuu indui ouhonapare imbui watjivire kutja otja konÿuvasaneno yomayuva tjiyaro 24 ku Ngarano ombura indji, owo maukayenda komurungu omayuva tjiyeri 20 ku Katjose okukayarura omuriro puukara ohapo mOkahandja. Eyuva rokomrungu wa nao ndari Oritjavari ozondangere otjiwatjivisire morutuu kozombuze indui kutja ozondangere otjimazekararera mOkahandja pOkomando Ondenga yErapi rOtjiserandu. ™Ovitjitua imbi koruseinina mavikawirira momayambero wombura aihe ngatieua okukarako Oritjatano okuhukomunene 22 ku Katjose 2014 nganduu Osondaha 24 ku Katjose 2014,∫ orutuu kozombuze indui marutja.
Posia otja korutuu kozombuze rOtjiserandu tja Kahandja kehi yOkomando Ondenga rutenga ™Ombara Tjinaaøi Maharero kena oruvara rotjingi tjomaÞunÿu ya Tjamuaha mena rokutja otjo tjari oukahuke momerihekeneno kOtjombanguriro tjOkombanda,∫ manao eye otjehina ousemba wokuhungirira po otjiwana atjihe tja Tjamuaha/Maharero. ™Komurung Ombara Tjinaaøi Maharero meripe kutja kuruwo kuayambururua mOkahandja∫ nokutja ™Otjombanguriro tjOkombanda, nawina onÿuvasaneno pokati kovimbumba maitie omayarurapero wambumatja `okuruwo ketundu ra Tjamuaha/Maharero’ poruveze puwari. Kapena omambo ngasanongo mEraa rOtjombanguriro,∫ orutuu kozombuze rOkomando Ondenga marutja nao. Komurungu marutja ™Eraa rOtjombanguriro orukahuke kutja omuriro mauyarurua puwari komurungu wa Katjose mo 2011 nu mauyakisiwa otja kongaro novitjitua nomaunguriro ngaayekongorerua komurungu wa Katjose mo 2011.∫