Oshibofa shominista ikulu younamapya Mac-Albert Hengari osha undulilwa komafiku 3 Juni 2025 opo ku yandjwe omhito yokuninga omakonakono omoule.
Omunamido 59 Hengari okwa holoka momhangu yamengestalata waWindhoek lwoshikando shotete onghela pamwe nomulumenhu weedula 30 ou ta tamanekwa kutya okwa li tava longele kumwe naye okufuta ombubo nakuningwa oshihakanwa shekwatonghonga.
Hengari okwa kwatwa po mexuliloshivike pefimbo vati kwa li ta kendabala okufuta oshimaliwa ombumbo yoN$222 000 omukainhu weedula 21 ou e mu patululila oshibofa shekwatonghonga.
Opolifi oya hokolola tai ti minista okwa lombwela vati omukainhu opo a ka kufe mo oshibofa.
Opolifi oya hokolola tai ti nakuninga oshihakanwa paife oku na okaana omo vati Hengari kwa li va ka ningilwa omakonakono oDNA opo ku talike ngeenge okaana okaye.
Otaku hokololwa kutya vati Hengari okwa taalela natango oibofa 11.
Hengari okwa kufwa moilonga oshivike sha dja kOmupresidente Netumbo Nandi-Ndaitwah konima eshi ta tamanekelwa oshikumungu shekwatonghonga.
Okwa ulikwa a ninge minista wounamapya, omeva, eeshi needjo domomeva netululo lomadu omwedi wa dja ko komupresidente.
Hengari okwa li yo natango oshilyo keumbo lomutumba wopashiwana.