I Kae Matundu-Tjiparuro na Kuvee Kangueehi OTJOMUISE Omuzandano ngwatire Oritjatano ngurova mOnderambapa tji pakarere onyungu nyungu pokati kovature va Mongua no tjimbumba tjitjari po ma tuirisiro wo rata yOuhonapare wOmbazu wOtjimaharero ma pakwa iyo tjiwana tjOvaherero muhuka po rumbo ro zombangane ro mbongo yo Ruhindo mo Kahandja. Theboy Hiiho, watire nozo mbura o 25 iyo hanga ngamba ndji yi hiya kara no hongonono ongahuke kutja yazire pi pokati koporise, ovimbumba vyo vature va Mongua no tjimbumba tjitjari po matuirisiro wOrata Ewald Kazongominja. Omandaha ovature ape 500 va Mongua va raisire onyengo yawo no matuirisiro wo rata Kazongominja Oritjatano ndazuko na pehara onyungu nyungu ndja tjururirwe iyo porise. Ombameno ya u tire Oritjatano ndazuko omuhuka omunene otjiwana tja Mongua tji tja zuvire kutja Kazongominja Oritjaine ngurova otja vazere mo Mongua okukara nomukandi wo matuirisiro we Orovyungura. Otjiwana tja wo ronganene mOnderombapa na tji pata ondjira ndji maizu kEpako okutjaera Kazongominja noruhindo rwe mu mwari Ombara Kaihepovazandu Maharero. Otjiwana tja tonene mondando yatjo indji noruhindo indui aru tinyauka okuyaruka kEpako. Oro rwa yarukirire o ndjira kati Kondonderombapa puna oporise. Ihi katjina tji tja tja tjaerere ovature va Mongua tjinga ava umbire Kazongominja noruhindo rwe nomawe n andarire kutja vari puna oporise. Mo nyungu nyungu indji o mu mwa yaherwe Hiiho. Omatuirisiro inga ya turikirwe indu o Ministera Ondenga yOkehi, Libertine Amathila tja ningirire Kazongominja nao. Ovature va Mongua vena o u zeu no rata mo yao ndja zikwa iyo o u honapare wo mbazu wo resevate ya Tjinene. Ngunda aperi nao Omandaha Amathila otja hakaenene no vimbumba avi yevari imbi okuzuva kutja pa kayendere tjike. Omukondonone wo Kombanda mOporise Amulungu watja otjiuru tjo porise tja sembamisisre ongondononeno yo kuteza orupa roporise mo nyungu yungu indji. Po mbongarero yawo yo zombuze pOkomando Oritjatatu ovature va Mongua va raisire ongaro ombi yo porise mo nyungu nyungu indji. Muyo mwari omambo wayo kutja ovature va Mongua mave vanga oku papurura Omongua kehi. “Owene otjiwana tjovandu o 12,000 uriri nami me yenene oku mu zengisa mozoiri mbari,” Omuyandjambo wotjimbumba tjo porise tji tja hindirwe ko Mongua makuzu watjere nao. Ngunda aperi nao mo ma kayendero wo tjiveke ihi ko Mongua aakuzu ozondaze peke peke zomawini wovandu ngu maye nyonwa. Muwo muna ongoze ya Kazongominnja ndja konderwe novinamwinyo vye, vya Kerina Mburumba na Rehabeam Katjijova mbya zengire. Wina makuzu ondarata yonganda ya Mburumba ya konderwe. Kapena ongahuhukiro kutja ovitjitua vyo vakendu imbi.