Windhoek
Yomuhulu wa katengo ka Namibia mwa lipisinisi ni bomapangapanga (Chamber of Commerce and Industry) Tarah Shanika u lumbile Likolo lelibona za Litaba za Mwahali a Naha ni Bazamayi kamisebelezo ya bona yeminde kwa sichaba.
A nabulela kanako ya kukwalula mukopano wa mazazi a mabeli ‘wa kamaiso ya lisebelezo kwa sichaba wa bubeli mwa Africa (Customer Service Management Africa and Conference) wa linubu, Shanika nafile tumbo kwa likolo. Na ize, lilimonyana za kwa mulaho linongosi neli zeňata kwa sichaba kaza mibamba yemitelele ni litiyeho kakufumana mapepa a naha a cwale ka mapampili a buizibahazo, litupa za kuzamaisa ni mapepa a sipepo. Kakuikabela zibo ya hae, Shanika u ize, naile kuyoekeza mazazi a Situpa sa hae, mi nesizo nchafazwa mwa nakonyana fela”.
U kupile makolo a muso kaufela, kungelela cwalo ni tutengo twa kwamukunda, kulatelela mutala o munde o beilwe ki likolo. Mwa ngambolo ya hae, mubakweli wa Likolo la Tuto ye Pahami, Dr Becky Ndjoze-Ojo, u lumbile likolo la litaba za mwahali. Na ize, biki yefelile, na zwezi kwa likolo kuisa kupo ya hae ya situpa sa bundwalume, nekungile fela zazi kwa kusifumana, kubapanya ni mazazi a kwa mulaho konekunga kweli pili mutu a sikafumana situpa sa kuzamaisa. “Lichincheho ki misebelezo ya tundamo kacwalo iswanelwa kunyakalalwa kayona,” a talusa.
Mwaha ofelile mwa Kandao, likolo nelibile ni mungendenge wa kubeya linaneho za ku kuchincha misebelezo ya likolo kuba mwa mayemo sakata, kukusufazo litiyeho, kufukuza mibamba, maofisi sakata mane ni kualabela hande falisebelezo. Hana bulela kwa mukopano oswana, likwambuyu wa Likolo la Litaba za Mwahali ni Bazamayi, Pendukeni Iivula Iithana, na amuhezi litumbo kakutalusa kuli misebezi yemide i tisizwe ki kusebeza katata.
“Makalelo a mungendenge o mutelele wa kuchincha misebelezo ya Likolo la Litaba za Mwahali a Naha ni Bazamayi, neni sepisize bana ba naha ya luna kuli lutabatiseza lisebelezo ze mbweshafezi, kakuankufisa ni mokuswanehelela ka mulelo wa kubupa likolo la misebelezo sakata kakungelela ni muso kabupala,” a talusa.
“Kanako ya cwale selukwanisa kupeta buima bwa musebezi waluna, kulumelela babeleki ni baeteleli mwa likolo kuchinchana likezahalo kuli misebelezo izamaelele.” A talusa kuli, likolo nelitalimile sinca kamo luswanela kufela lisebelezo za mayemo a mbuwa a likanelela, ‘isi fela kwa bana ba Namibia kono kumutu kaufela ya bata lisebelezo zaluna.” A talusa kuli, mwa likweli zelishumi kaze ketalizoho zefelile, likolo neli patehile kunyakisisa ni kuba ni tumelo yakuli lisebelezo sakata ki mikwa yeswanelwa kusikatelwa mwa maneku kaufela a babeleki baluna.
“Luitutile kuli lisebelezo sakata kwa sichaba kinto ya pili yeswanela kuba kwateni nako yote, maneku kaufela mwa likolo,” a talusa.