Charles Ndeumane

OSHAKATI – Oshitopolwa shaShana osha ndhidhile nenyanyu eshunopevi lyoopelesenda 52 miimbuluma yopaukakwashikekookantu muule womvula yimwe, ashike iimbuluma yomayugo kwahomatiwa onkene ota yi londo.

Ndhoka odha popiwa kungoloneya gwodhitopolwa shaShana Elia Ilimari pethimbo a li ta gandja omushangwahokololo wonkalo moshitopolwa, oshiwike sha zi ko. Omushangwahokololo ngoka ohagu gandjwa lumwe omumvo kehe.

Ilimari okwa ti oshigwana moshitopolwa shaShana ota shi longo nawa mo ku kondjitha iimbuluma yopaukakwashike kookantu.

“ O m w a a l u g w i i m b u l u m a yopaukakwashikekookantu gu li 636 mbyoka ya li ya lopotwa momayalulo gokomumvo gwa zi ko ogwa shuna pevi lela oshoka momayalulo gokomumvo ngaka iimbuluma yopaukakwashike kookantu oyi li po328,” Ilimari ta ti.

“Nonande iimbuluma yomayugo kwahomatwa moshitopolwa shaShana onkene ta yi indjipala momayalulo gokomumvo nguka tu li, otwa pandula no tu na etumba maakiintu naalumentu yetanga lyegameno oshoka, melongelo kumwe naakwashigwana, oya dhitika oongangala odhindji ndhoka ta dhi longo iimbuluma mbika,” osho Ilimari a popi ngaaka.

mrndeumaneraycharles@gmail.com