Victoria Kaapanda
Uuministeli gwuuhaku nonkalo nawa owa lopota kutya iipotha yoCovid-19 oya shuna pevi moshilongo ashihe, ihe oyindji mbyoka iipe tayi monika po otayi zilile unene konooli. Minista gwuuhaku nonkalo nawa Kalumbi Shangula okwa ti, miitopolwa yoko nooli oyo natango tayi lopotwa yi na aantu aashona ya tuntilwa.
“Otandi kumagidha aaleli ayehe miitopolwa moka oshowo omalelelo gwopamuthigululwakalo ga tsikile oku kumagidha oshigwana shika tuntuliwe,” Shangula ta ti ngaaka. Ta ti, ka pe na uupyakadhi unene oku kondolola omukithi ngoka noku gu sinda shoka shina oshilonga oku kutha etokolo lyomondjila, ihe toka tuntilwa.
“Nonando oku tuntila nomiti dhoka, hako okupanga thiluthilu omukithi gwocovid-19, otaku shonopaleke aantu ya kwatwe kocorona oshowo oku yanda noku hulitha po omaso,” Shangula ta popi ngaaka. Ta gandja oshi holelwa shokiilongo yokoEuropa ta ti, oyendji omweya mono kaayena uumasika sho taya tala omatanga gwookompadhi, yeli muupale wuudha oshigwana.
“Ka pena nando omuti gumwe gwa monika po oku panga ocorona, ihe ayehe oya kutha etokolo lyomondjila etaya tuntilwa,” ta kumagidha. Shangula ta ti, iipotha oya shuna pevi lela oshilongo ashihe. Ta ti: “ngaashingesyi otatu lopota iipotha yi li kohi yo200 mesiku nenge 100, oku yeleka noomwedhi ndatu dha piti, sho kwali ta tu lopota iipotha yi vule 1000.
“Omaso nago oga shonopala, onkene oshigwana nashi tsikile oku katuntilwa oku kalekapo omatumwalaka omawanawa ga fa ngiika. Mboka taya taandeleke omukithi, ombonga inaya hala okukutha etokolo lyomondjila, ihe ngele kehe gumwe okwe shi ningi, oshilongo shetu otashi shuna konkalo yasho,” ta popi ngaaka.
Sigo ompaka oopelesenta dhaantu taya eluka odhili po 95 omanga aantu ya hulitha koCovid-19 oyeli 3 288. Shangula okwa ti, okwa hala oshitya Covid-19 shoka shi hule oku tumbulwa moshilongo muka, ihe shoka otashi ningwa ashike uuna mboka yena omakutsi taya uuvuko noku gwanitha po omalombwelo nomalandulathano ga tulwa po.