Konyara nosure dokusika ko ntano ngesi tanko dina pata posiruwo sosisupi konyima tupu varongi wokusika ko 58 ntani varongwa 188 ntani 11 varugani woponosuere odo kavavagwene asi vana kara nokambumburu oko ko Covid-19 monosure dokulisiga siga edi dakara asi momukunda horowere gwaErongo.
Mukunda horowero gwOmusati mosiruwo seyereko yimaliva yomvhura zina kukapwa kwakere nokorokotji wakandukire unene wokulitukagura nokulisandura, kuvaka yimuna ntani kuteza mambo, nguuru gomukunda Erginus Endjala kuna kuyitanta eyi.
Namibia Agronomic Board (NAB) nkera kavageve yiruganeso yomosikunino kosure zaAus Primere yina kara asi simwe selikwamo lyawo omu vana kugava mbatero konosure kupitira melikwamo asi nkenye sure zikare nosikunino sazo.
Nkarapamwe zatunga momukunda govandonga kavakumbwilire momuwa kezigido kalitundire kwaHompa Fillemon Nangolo vazerese evango lyokuruganena ava tumbura asi Omutsegwonime momukunda horowero Oshikoto.
Ndango zodoropa zaOngwediva kuna kuhundira vatungimo vakare tava futu mukuli gwawo kondango zodoropa nosiruwo.
nkuru sure zaNamibia ndi asi UNAM jose Eduardo dos Santos (JEDS) Campus mo Ongwediva ngesi vana tameke kugwedererako nonzugo dawo dokurara omu vana kudigweda dikare 96 degwederero.
Mupanguli gomunene mompangura zaVenduka, Naomi Shivute katente asi kuna kumoneka nawa nawa asi mugara ogu gomoGobabis, ogu vazegurura modorongo morwa kupitira melikwamo lyaPresidente gosirongo ngesi kuna kumoneka asi mugara ogu mudigu edipango lyendi lyokuhova ntani eli lyauvali nayinye yahepa kumutamba ntani.
Sure zelipakerero zaKaoko-Otavi kuna kara ngesi makwedi gane kwahana mema kutunda tupu mokwedi kwaKudumonkuru, nampili ngomu asi epangero lyagava yimaliva lyokutunga ntani kuwapukurura mavango gokulivaterera omu tuna lituramo asi turwanesa mukisi ogu goCovid-19
Ndokotora ogu ana kara ngesi medeuro ogu vana kugazarera asi kwakwatera mumati gonomvhura 18 kononkondo ogu gakere asi muveli mosipangero sepangero saKatutura kwedi kakupwire simpe ngesi takara masiku gomanzi mononkwate dovaporosi morwa ehundiro lyendi kalikere asi ngano alifutire kavalirundwilire.
Your experience on this site will be improved by allowing cookies. Allow cookies
