Likwambuyu watuto Anna Nghipondoka naize linepo zabasitopa sa 12 zasilimo sa 2021, zabalituto zanako yakwamukunda lilobehisa pilu. 
Musali walilimo ze42 kuzwelelela Livingstone mwanaha Zambia, nashwile kasamulaho lonji yanali kuyona nenatilwe kikubu mwanuka ya Mpukano mwasilao sa Ikaba, mwasikiliti sa Zambezi.
Muzeko wamusali yanyazwa kamulatu wakubulaya mwanahae kasamulaho akupuluha, uka utwiwa feela isaho. Hane abonahalile mwakhuta yenyinyani ya Katutura fapila muatuli Johannes Shuuveni, viki yefelile.
Windoko ika amuhela hape mandu aka yahiwa kwasibaka sa Avis. Komponi yenca ikabizwa Avis Smart Village. 
Sikiliti sa Zambezi hasiboniwa kuba munyako wakuliba linaha zaSADC, mwakukwalula nzila yalipisinisi, mubusisi wasikiliti sa Zambezi Lawrence Sampofu ufitisize manzwi ahae kulumelelana ni babañwi kuli museto waKatima Mulilo uhuliswe kuba museto wakuyema feela hañwi.
Muuna walilimo zemashumi aketalizoho kazene, natamilwe kamulatu wakuzuma nali yamuuna mwasibaka sapabalelo yalifolofolo sa Bwabwata mwasikiliti sa Zambezi.
Liluko la makete likutiselize baoki ba278 banese bapumuzi famusebezi swalelele, kanako yelikana likweli zetalu kuisa kuzesilezi, kakuba kalulo yakualabela kwabutuku bwa Covid-19.
Kasamulaho alikweli zakutokwa kuziba hande ni butata bone batalimani nibona balimi, kalulo yakufelisa milalo kasamulaho akukona kutibela butuku bwa taku ni mulomo, bone buzuhile mwakweli ya Kandao 2021 mwasikiliti sa Zambezi, iamuhezwi kamazoho amabeli. 
Mwakubata kuankufisa ni kutiiseza silikani salipisinisi mwahala Namibia ni Angola, likwambuyu walitaba zakwanda naha Netumbo Nandi-Ndaitwah cwanuñu uka etelela sikwata sabalipisinisi kuya mwanaha Angola kuyobata puluko yalipisinisi.
Your experience on this site will be improved by allowing cookies.
