Maria Monee ota pula ekwafo moshiwana opo shi yambidide okaana kaye ka pumbwa oshimaliwa shoN$20 000 opo ka dule okushanga omakonakono.

Okwa ti okaana kaye Telute Gideon otake l hongele oupangi koshiputudilo Alba Chipamba Training Centre shi li kOshikango noke li modula onhivali ashike kofikola oka dja ko molwaashi kape na oshimaliwa.

Moone ota indile moshiwana opo shi yambidide okaana kaye noshimaliwa opo ka dule okushuna kofikola ka shange omakonakono.

“Kandina sha oyuuyemo ya sha. Atushe nomushamene wange ihatu longo onghee ohatu xupu noudjuu okuyambidida okaana ketu,” ta t

Okwa ti okuna ounona vane ashike aveshe ihava longo omanga vamwe vavali ohava i kofikola.

“Ohandi ningi eenghendabala dokulandifa omaxuku, oimbale nondjove ashike oshimaliwa ina shi wana okuyambidida ounona,” ta ti.

Monee okwa ti okaana kaye oko kotete oku ya koshiputudilo shopomba onghee oku na omukumo kutya ota ka piti nokumana elihongo lako opo ka dule okumona oilonga.

Omunafikola Telute Gideon okwa ti ke udite ombili eshi a dja ko kofikola shaashi okwa hala okumana ofikola opo a dule okumona oilonga nokuyambidida ofamili yaye.

“Ohandi ka pandula kwau ta ka yambidida. Ohandi ke li honga nodjungu opo ndihe pulule oshimaliwa shovanhu va yambididange,” Gideon ta ti.

Kwau e na ehalo lokuyambidida Gideon na kwatafane naye konomola yongodi 0812912610 ile 0814721691

fhamalwa@nepc.com.na