Okaana kokakadona keedula nhee otaka ningilwa omakonakono opaunamiti konima eshi vati ka kwatwa onghonga kokamatyona keedula 18 kopoushiinda shavo.

Oshiningwanima osha ningwa Etivali momukunda Olupandu moshitukulwa shaMusati. Omukulunhu wopolifi moshitukulwa shaMusati Commissioner Ismael Basson okwa hokolola ta ti omufekelwa okwa ufa na okaana meumbo lavo nokonima okwe ka longela omunyonena wopaixulo. Ouyelele ou owe uya kombada konima eshi okaana ka kala ita ka dulu okuenda.

Oshiningwanima shikwao, omulumenhu weedula 49 naye okwa kwatwa po eshi vati a kwata onghonga okakadona keedula 16.

Oshiningwanima osha ningwa Etitatu modoolopa yaRosh Pinah efimbo lomutenya. Opolifi oya hokolola tai ti okakadona okwa li ta kongo olefa yoku ya koNoodoaver nokonima okwa lefa otuwa muna omulumenhu umwe. Okudja opo okaana oka londa motuwa nomufekelwa okwa shinga auka moixwa noku kwata okaana onghonga. Omufekelwa nokaana otava ka ningilwa omakonakono opaunamiti koshipangelo opo ku tali ke ngeenge omufekelwa oye tuu a kwata okaana onghonga.

Omakonakono opolifi otaa twikile novafekelwa otava pangulilwa oibofa yomakwatonghonga. Opolifi onghee nga tai twikile nokumaida ovadali opo va kotonatela ounona voukadona.

fhamalwa@nepc.com.na