Omulumenhu weedula 31 ha longele etanga leameno okwa xulifa Osoondaxa efimbo lokomatango eshi eli mangelekela momuti neemwiya deenghaku. 

Oshiningwanima eshi osha ningilwa molukanda Block E modoolopa yaRehoboth. Omulumenhu umwe weedula 34 naye okwe li mangeleka Osoondaxa neemwiya deenghaku momuti efimbo longula potundi 07h00 momukunda Iihamayongwe moshitukulwa shaMusati.

Oonakufya ovatongolwa ovo Eratus Kandenge Ashipala omukalimo momukunda Iihamayongwe naJackie Jenneron omukalimo womodoolopa yaRehoboth.

Opolifi oya hokolola otai ti Jenneron okwa hangika momuti kovakwashiwana eshi eli meemango a fya nale ndele tava lopotele opolifi.

Olutu laye ola twalwa kokila yoshipangelo shaWindhoek opo li kaningilwe omakonakono.

Opolifi yomoshitukulwa shaMusati nayo oya hokolola tai ti Ashipala okwe li tuwa eli meemhango kuina momuti uli mepya elimangeleka.

Ovalumenhu aveshe ina va fiya po omikanda tadi yandje ouyelele kombinga yomafyo avo.

Ovakwapata vavo aveshe ova shiviifilwa kombinga yomafyo avo nomakonakono opolifi otaa twikile. – fhamalwa@nepc.com.na