Ohepero tjinene Onamibia oku kara nongondjero ndji hino’ mayandero naṋi otjiwaṋa tjaro  ndinondi ma tji  tuako’ nḓengu komasutiro wovaungure  yonḓekasaneno, oruveze romaunguriro orizikame no ku tja kangaua auhe moviungura vye mekurisiwe.

Operesidenda Nangolo Mbumba watjere nao mombinika ye yEyuva Rovaungure, ndiri etenga ku Kambundu. Okuzemburuka ro, Onamibia wina ku re rikuambere mouye na ko mazemburukiro warue wina mouparanga wehi. 

Tjimuna kOruwano rOtjiwaṋa rOvaungure va Namibia, National Union of Namibia Workers, ousupi ONUNW, ndua ze mburukire eyuvandi mOmbuenge Oritjatatu. 

Tjingetjo Ombongarero yOruuano Romarandisiro rua Namibia, Otrade Union Congress of Namibia, ousupi Otucna. 

Kangamua auhe  wazemburukire eyuva indi ama zu ku mazire tjikueya kousemba wovaungure. Tjimuna Mbumba ngua tara komasutiro nawina kongaro potuveze tuo maunguriro. 

Natja omeriyandjero wa Namibia  ko mausemba wovaungure ewe rotjikoro ro zo ngunḓe raro zouyara na ko meri  kuizikiro waro ko ku tja ombuiko iparure kangamua mo ku zemburuka kokutja omuungure auhe mombutiro uno nḓengu novaungure wina. 

Matja omausemba mo ku ungura yeri mOngunḓeveta nu Ohoromende yakara no mi kambo vyo wina  vyo ku tjevera omausemba no vaungure movitamba avihe no ku mema ozo veta ozondue no mi hunga. 

Po siya ama zemburuka omatokero ngeripo ngamba tjimuna okuhino’ vyungura oko ku kuṱuna komitanda pupe haṱei novandu varue. Na wina omayerurukiro wozoprysa oyo nge ṱuna kovaungure tjinene. 

Ongendo onene yo Tucna, oyo ndji ma itja  ekuiya mo nyama yo tutu tuovaungure novaungure oveni, tjinga ngamba  ovaungure tjiva  nandarire avesutua kehi yetota. 

Operesidenda yo Tucna, Paulus Hango, matja nandarire kutja pazikua okomusara yOmasutiro yarire ozombura ndatu nai, oyo ndja yandja ondunge yokutja omuungure auhe kasere okusutua kehi yo N$18 mo iri, kapeno ndjeverero yo ma sutiro wovaungure.