Meekulu Leena David omukalimo womOngwediva moshitukulwa shaShana okwa ti molweendo laye lokuhonga oiuma okwa kala mo eedula tadi ka taataa o20.

David okwa ti paife okwa findana omapapa oikando ya fika puitatu ongomuhongi woiuma nomulandifi momauliko oipindi yaNgwediva.

Omunamido 78 ta ti elalakano laye lokuhonga oiuma, okuulika ongushu yedu moNamibia, oshoyo okunghonopaleka omufyuululwakalo oo uhe na fiku inau dulwa eenghono koinima yoshinanena. “Onda hala ovanhu vahapu unene tuu ava opo tava dalwa va shiive oilonga yedu nonghee tai dulu oku va kufa moluhepo mepakumo leisho,” David ta ti.

Okwa ti yoo nghee a dalelwe a kutwe moilonga, oilonga yaye nghee a dja okuhonga oiuma oshoyo okudeula ovanhu. Okwa tumbula yoo kutya oha kala e na ohokwe yakula yokudeula ovanyasha shaashi oha kala a hafa ngeenge tava mono oilonga momukalo.

Neudo okwa kendabala oku ya nekopi ongomunangeshefa dingi momalandifilo oipindi mOngwediva. “Omauliko opaipindi ondi a hole shaashi ohaa twalifa ongeshefa yange kokule mokushiivika,” David ta tumbula.