Opolifi oya lopotelwa ovanhu vafika puvaheyali veli kufa eemwenyo momikalo dayooloka

Simon Mbango omulumenhu weedula 54 okwa lopotwa eli yasha komutwe nondjebo yo9mm Makarvo monduda yokunangala Etitano moWanaheda. Moshiningwanima shikwao opolifi natango oya lopotelwa olutu lomunhu ehe shivike lahangika laola.  Vati okwa hangika eli mangelekela momulunga.

 Nakufya vati omulaula moluvala, a kululwa opanga, wolutu lopokati. Opolifi vati otai fekelele nakufya okuli meni leedula 30. Opolifi oya tumbula yoo kutya Nakufya okwa hangika a djala okambidja katoka, nombulukweva ixupi yembudu. 

Omukunda wanakufya fiyo opapa kaushiivike. Olutu laye ola twalwa kokila yaNandjokwe opo lika konaakonwe. Ovapambele keve shiivike fiyo opapa. Oshiningwanima vati oshaningilwa mOshikoto momukunda onakazizi, moshikandjohololo shaMuntele. Opolifi natango oya lopotelwa efyo lomulumenhu weedula 38 Atlas Masarinu Kangoma, oo a hangika kovaendanandjila eli mangeleka momuti moArandis. Nakufya vati okwe li mangeleka nombulukweva yaye.

Kalumbu Amutenya Naholo omulumenhu weedula 31 naye okwa lopotwa a hangika eli mangeleka momuti nongodi Etitano mUukwiyushona.

Ovapambele voo nakufya ava ova shiivifilwa nomakonakono opolif otaa pula komesho. 

Nicoll Jazama omukainhu weedula 36 okwa loptwa eli mangelekela koJedidja complex moWindhoek. Ouyelele yandwja kumumwanina, vati okwa hanga nakufya eli pedu monduda, nongodi ili mofingo yaye.

 Mumwaina vati eshi aka endelela eke mukufemo, vati okwa hanga nale axulifa. Nakufya okwa fiya po ombapila tai hokolola kutya omolwashike e li kufa omwenyo. Moshiningwanima shayooloka, omunadaolongo weedula 26 okwa lopotwa a fila mositaasi yaWanaheda moWindhoek, konima eshi a ngabukila mokandjuwo. Oshiningwa mOlomakaya. Nakufya vati okwa mangelwe mo2022, mekwatafano ledipayo oshoyo omahepeko oomeme nounona.

taimihaihambo2000@gmail.com